საფრანგეთში საპროტესტო აქციებზე 94 ადამიანი დააკავეს - გაიფიცნენ პროფკავშირები

საფრანგეთში საპროტესტო აქციებზე 94 ადამიანი დააკავეს, - ინფორმაციას The Guardian-ი ავრცელებს.

• The Guardian-ის ცნობით, საფრანგეთში დღეს დილით დაწყებული საპროტესტო აქციებისა და გაფიცვების ფარგლებში პოლიციამ 94 ადამიანი დააკავა, მათ შორის 15 პარიზში.

ამასთან, ფრანგული მედიის ინფორმაციით, მარსელში გამართულ დემონსტრაციაში 15 000 ადამიანი მონაწილეობდა.

მასშტაბური დემონსტრაციები გაიმართა ნანტსა და ლიონშიც.

შეგახსენებთ, დღეს საფრანგეთში მთავრობის მიერ დაგეგმილი ბიუჯეტის შემცირების გამო პროფკავშირები გაიფიცნენ.

პროფკავშირები ქვეყნის პრემიერ-მინისტრის, სებასტიან ლეკორნუს მიერ დაგეგმილ ბიუჯეტის შემცირებას ეწინააღმდეგებიან და საჯარო სერვისებისთვის დაფინანსების გაზრდას, მდიდრებზე მაღალი გადასახადების დაწესებასა და სახელმწიფო საპენსიო სისტემის არაპოპულარული ცვლილებების გაუქმებას ითხოვენ.