"მოზარდმა ქართულად პასუხის გაცემა ვერ შეძლო, რის გამოც მას სილა გააწნა" - მარნეულში საკრებულოს თავმჯდომარის მოადგილის შვილი დააკავეს
ქვემო ქართლის პოლიციამ არასრულწლოვნის მიმართ ჩადენილი ძალადობის ბრალდებით 1 პირი დააკავა. ინფორმაციას შინაგან საქმეთა სამინისტრო ავრცელებს.
არსებული ინფორმაციით, დაკავებული საკრებულოს თავმჯდომარის მოადგილის შვილი, მამუკა გიგანია.
"ქვემო ქართლის პოლიციის დეპარტამენტის, მარნეულის რაიონული სამმართველოს თანამშრომლებმა, გატარებული ოპერატიულ სამძებრო ღონისძიებებისა და საგამოძიებო მოქმედებების შედეგად, 1998 წელს დაბადებული მ.გ. არასრულწლოვნის მიმართ ჩადენილი ძალადობის ბრალდებით დააკავეს.დანაშაული 2 წლამდე ვადით თავისუფლების აღკვეთას ითვალისწინებს.
- გამოძიებამ დაადგინა, რომ ბრალდებულმა, მარნეულში მდებარე ერთ-ერთ საკონდიტრო მაღაზიაში, ურთიერთშელაპარაკების ნიადაგზე ფიზიკური შეურაცხყოფა მიაყენა მაღაზიის თანამშრომელს და შემთხვევის ადგილიდან მიიმალა.
სამართალდამცველებმა მ.გ. მომხდარიდან მალევე ბრალდებულის სახით დააკავეს.გამოძიება არასრულწლოვნის მიმართ ჩადენილი ძალადობის ფაქტზე, საქართველოს სსკ-ის 126-ე პრიმა მუხლის პირველი ნაწილის "ა" ქვეპუნქტით მიმდინარეობს" - ნათქვამია ინფორმაციაში.
რა არის ცნობილი მომხდარზე?
24News.ge-ს მიერ გავრცელებული ინფორმაციით, შემთხვევის დროს ერთმა პირმა შევიდა „Melody“-ს ტკბილეულის სახლში და იქ მომუშავე მოზარდს ქართული ენაზე საუბარი მოსთხოვა.
ინფორმაციის მიხედვით, მას შემდეგ, რაც მოზარდმა ქართულად პასუხის გაცემა ვერ შეძლო, აღნიშნულმა პირმა მას სილა გააწნა. ამ დროს, ადგილზე მყოფ მოქალაქეებსა და იმ პირს შორის დაპირისპირება მოხდა.აღინიშნება, რომ ინციდენტის მონაწილე პირი მარნეულის მუნიციპალიტეტის საკრებულოს თავმჯდომარის მოადგილის, რიჩარდ გიგანის შვილია.
შემთხვევის ადგილზე მივიდნენ სამართალდამცავი ორგანოების წარმომადგენლები და ითქვა, რომ აღნიშნული პირი პოლიციის განყოფილებაში გადაიყვანეს.