მსოფლიო ლიდერები ისრაელი-პალესტინის კონფლიქტის ორი სახელმწიფოს პრინციპით გადაწყვეტის საკითხს განიხილავენ

დღეს, საფრანგეთისა და საუდის არაბეთის მოწვევით, მსოფლიოს ქვეყნების ათობით ლიდერი ნიუ-იორკში შეიკრიბებიან და ისრაელი-პალესტინის კონფლიქტის ორი სახელმწიფოს პრინციპით გადაწყვეტის მიმართ მხარდაჭერას გამოხატავს, - ინფორმაციას Reuters-ი ავრცელებს.

• გაერო-ში ისრაელის ელჩმა, დენი დანონმა განაცხადა, რომ ისრაელი და შეერთებული შტატები სამიტს ბოიკოტს გამოუცხადებენ და რომ დაგეგმილი ღონისძიება „ცირკია“.

„არ ვფიქრობთ, რომ ეს სასარგებლოა. ვფიქრობთ, რომ ეს, სინამდვილეში, ტერორიზმის დაჯილდოებაა“, - განუცხადა მან ჟურნალისტებს.

ისრაელის ოფიციალური პირების თქმით, ისრაელი, საპასუხო ნაბიჯად, ოკუპირებული დასავლეთ სანაპიროს ნაწილის ანექსიას, ასევე პარიზის წინააღმდეგ კონკრეტულ ორმხრივ ზომებს განიხილავს. აშშ-ის ადმინისტრაციამ ასევე განაცხადა, რომ მათ, ვინც ისრაელის წინააღმდეგ ზომებს მიიღებს, შედეგები დაემუქრებათ.

• შეგახსენებთ, სამიტამდე ერთი დღით ადრე, გუშინ, გაერთიანებულმა სამეფომ, კანადამ, ავსტრალიამ და პორტუგალიამ პალესტინის სახელმწიფო აღიარეს. დღეს, სავარაუდოდ, ოფიციალური აღიარების შესახებ განაცხადებენ საფრანგეთი და კიდევ ხუთი სახელმწიფო.

შეგახსენებთ, გაერო-ს გენერალურმა ასამბლეამ მიმდინარე თვეში შვიდგვერდიანი დეკლარაცია დაამტკიცა, რომელშიც ორი სახელმწიფოს პრინციპზე დაფუძნებული გადაწყვეტისკენ მიმართული „ხელშესახები, დროში გაწერილი და შეუქცევადი ნაბიჯებია“ განსაზღვრული, ამასთანავე, დაგმო „ჰამასი“ და მას დანებებისა და განიარაღებისკენ მოუწოდა.

იხილეთ ასევე:

• გაერთიანებულმა სამეფომ, კანადამ და ავსტრალიამ პალესტინის სახელმწიფო ოფიციალურად აღიარეს
• “პალესტინის სახელმწიფოს აღიარება სხვა არაფერია, თუ არა ჯილდო “ჰამასისთვის“ - ისრაელის საგარეო უწყება გაერთიანებული სამეფოს, კანადისა და ავსტრალიის გადაწყვეტილებას პასუხობს
• “მკაფიო გზავნილი მაქვს ლიდერებისთვის, რომლებიც 7 ოქტომბრის საშინელი ხოცვა-ჟლეტის შემდეგ, პალესტინის სახელმწიფოს აღიარებენ...“ - ბენიამინ ნეთანიაჰუ