13 წლის ბიჭი ქაბულიდან დელისკენ მიმავალი თვითმფრინავში იმალებოდა, ბიჭი აეროპორტში იპოვეს - როგორ მოახერხა მოზარდმა ბორტზე ასვლა
13 წლის ავღანელი ბიჭი ქაბულიდან დელისკენ მიმავალი თვითმფრინავის სადესანტო მექანიზმის განყოფილებაში იმალებოდა.
- ოფიციალური პირების თქმით, მოზარდი, რომელიც ჩრდილოეთ ავღანეთის ქალაქ კუნდუზიდანაა, გასულ ორშაბათს, თვითმფრინავის დაშვების შემდეგ, დელის საერთაშორისო აეროპორტის ასაფრენ ბილიკზე ხეტიალისას იპოვეს. ის ინდოეთის უსაფრთხოების თანამშრომლებმა დააკავეს და დაკითხვის შემდეგ იმავე რეისით ქაბულში დააბრუნეს.
გავრცელებული ინფორმაციით, ბიჭმა სამართალდამცავებს განუცხადა, რომ ეს ცნობისმოყვარეობის გამო გააკეთა.
გამოცემა "ინდიან ექსპრესის“ ცნობით, 13 წლის მოზარდს ირანში გამგზავრება სურდა.
იგი ქაბულის აეროპორტში ფარულად შეიპარა, მგზავრების ჯგუფს გაჰყვა და თვითმფრინავის შიდა განყოფილებაში, სადაც სადესანტო მექანიზმია განთავსებული - დაიმალა. მას მხოლოდ წითელი ფერის დინამიკი ჰქონდა თან.
ექსპერტების თქმით, ბევრი მგზავრი, რომელიც ასეთ ფრენას გადაურჩა, ხშირად დაშვების დროს უგონო მდგომარეობაში ჩავარდა. ეს მათ სიცოცხლეს რისკის ქვეშ აყენებს. 2022 წელს, ამსტერდამში, სატვირთო თვითმფრინავის სადესანტო მექანიზმის განყოფილებაში 22 წლის კენიელი მამაკაცი ცოცხალი იპოვეს.