ნიღბიანი და შეიარაღებული მძარცველების 25-კაციანი ჯგუფი კალიფორნიაში, ძვირფასეულობის მაღაზიაში შეიჭრა - წაღებულია 1 მლნ დოლარის სამკაული: ვრცელდება ძარცვის ვიდეო
კალიფორნიაში, სან რამონში, 25-კაციანმა ჯგუფმა საიუველირო მაღაზია გაძარცვა და 1 მილიონი დოლარის ღირებულების სამკაული მოიპარა. ინფორმაციას მედიასთან პოლიცია ადასტურებს და გარდა ამისა, გავრცელდა ვიდეოც, სადაც ჩანს, თუ როგორ შეიჭრნენ მძარცველები მაღაზიაში.
-
სან რამონის პოლიციის დეპარტამენტის ინფორმაციით, ამ დროისთვის შვიდი ეჭვმიტანილია დაკავებული, ამოღებულია მოპარული საქონლის მხოლოდ ნაწილი.
სამართალდამცველთა ინფორმაციით, ძარცვა გასულ ორშაბათს City Center Bishop Ranch-ის სავაჭრო ცენტრში მდებარე Heller Jewelers-ის მაღაზიაში მოხდა.
მძარცველებიდან შეიარაღებული იყო სულ მცირე, სამი ადამიანი.
ბოლო ორი წლის განმავლობაში ეს არის მეორე შემთხვევა, როდესაც აღნიშნული მაღაზია მძარცველების სამიზნე გახდა. 2023 წელს აქ 7 ნიღბიანი მამაკაცი შეიჭრა და 1,1 მილიონის ღირებულების სამკაული წაიღეს. მოგვიანებით სამართალდამცველებმა მათი დაკავება შეძლეს.
- ნახეთ ძარცვის ამსახველი ვიდეო, რომელიც მედიაში გავრცელდა: