BTU-ს ტექნოლოგია, რომელიც ადამიანის გონებას კითხულობს და ცვლის ქოუჩინგის და ტრენინგების მეთოდოლოგიას
გრძელდება საქართველოში შექმნილი უნიკალური ტექნოლოგიის, HumanOS-ის განვითარება - BTU-ში შექმნილი ციფრული პროდუქტი, რომელიც ადამიანის გონებას ხმით კითხულობს და შიფრავს, საქართველოს ტრენერთა ასოციაციის წევრების წინაშე იქნა წარდგენილი.
პრეზენტაციის და დისკუსიის ფარგლებში, განხილული იყო ის გადამწყვეტი როლი, რომელიც HumanOS-ის პლატფორმამ შეიძლება ითამაშოს ადამიანების პოტენციალის ამოსაცნობად, მათი ქცევის მოტივაციის გასაგებად და გუნდური ეფექტიანობის ასამაღლებლად.
HumanOS, რომელიც ადამიანის ხმოვან მონაცემებზე დაყრდნობით ქმნის მის უნიკალურ ფსიქო კოდს — HumanOS ინდექსს, შესაძლებლობა აქვს გახდეს ადამიანური რესურსების მართვის მომავლის ინსტრუმენტი. საუბრის მხოლოდ ერთი ჩანაწერის საფუძველზე, სისტემა აღიქვამს ინტონაციის, რიტმის, ტემპისა და ემოციური ტალღების დეტალურ სტრუქტურას და ქმნის სიღრმისეულ ანალიტიკას ინდივიდის ფიქრის სტილზე, ქცევით ლოგიკასა და ემოციურ რეაქციებზე.
ტრენერებთან და ქოუჩებთან გამართული დისკუსია ფოკუსირებული იყო შემდეგ საკითხებზე:
- როგორ გამოიყენება ტექნოლოგია გუნდის მოტივაციის ამაღლებისთვის, კომუნიკაციის ბარიერების დაძლევისა და თანამშრომლების ფსიქო-ემოციური რესურსების გააქტიურებისთვის;
- როგორ შეუძლია HumanOS -ს გააძლიეროს ლიდერობის განვითარების პროგრამები და დააჩქაროს ლიდერული პოტენციალის იდენტიფიცირება ორგანიზაციებში;
- როგორ უზრუნველყოფს HumanOS ადამიანური კაპიტალის პერსონალიზებულ მართვას, რაც ეხმარება ორგანიზაციებს მაქსიმალურად გამოიყენონ თითოეული თანამშრომლის უნიკალური პოტენციალი.
HumanOS არ არის უბრალოდ ტექნოლოგიური პროდუქტი — ეს არის პლატფორმა, რომელიც ხსნის ახალ ეპოქას ქოუჩინგში, ტრენინგებში, HR ანალიტიკაში და გუნდების სტრატეგიულ განვითარებაში.
BTU განაგრძობს აქტიურ თანამშრომლობას ტრენერთა და ქოუჩების ასოციაციასთან, რათა HumanOS ტექნოლოგია გაჩნდეს როგორც სტანდარტი თანამედროვე ორგანიზაციულ განვითარებაში.
R