რა ვიცით "ლაგი კაპიტალის“ ხელმძღვანელზე, რომელიც სახელმწიფოს ქონების დაუფლების ფაქტზე დააკავეს?

ფინანსთა სამინისტროს საგამოძიებო სამსახურმა გუშინ, 30 სექტემბერს, დიდი ოდენობით სახელმწიფოს კუთვნილი ქონების მოტყუებით დაუფლებისა და უკანონო შემოსავლის ლეგალიზაციის ფაქტებზე 2 პირი დააკავა.

ირკვევა, რომ ბრალდებულებმა, ა.ბ. და ბ.ბ.-მ, 2023 წელს შპს "ლაგი კაპიტალის“ მეშვეობით გაიმარჯვეს მუნიციპალური განვითარების ფონდის მიერ საბავშვო ბაღების რეკონსტრუქცია-რეაბილიტაციისთვის გამოცხადებულ 11 ტენდერში (ჯამში 94 444 427 ლარის), რომელიც 30 საბავშვო ბაღის რეაბილიტაციას ითვალისწინებდა, თუმცა, არცერთ ობიექტზე სამშენებლო სამუშაოები არ დასრულებულა.

• რა ვიცით შპს "ლაგი კაპიტალის“ მფლობელებზე

სამეწარმეო რეესტრში "ლაგი კაპიტალი“ 2015 წელს ლაშა გრიგალავამ (წილების 25%), ნინო ზარქუამ (50%) და გიორგი ლომიტაშვილმა (25%) დააარსეს.

2019 წელს გიორგი ლომიტაშვილმა "ლაგი კაპიტალში“ კუთვნილი წილები მისსავე კომპანიას შპს "ურბანიქსს“ გადასცა.

უკვე 2022 წლის ამონაწერით, კომპანიის წილების 25%-25%-ებს - "ურბანიქსი“ და შპს "ლაშა 1987“; 50%-იან წილს კი - რუსეთისა და საქართველოს ორმაგი მოქალაქეობის მქონე ალექსანდრე ამისულაშვილი ფლობდნენ. ამისულაშვილი მედიაში გავრცელებული ინფორმაციით "ქართული ოცნების“ დეპუტატის, ირაკლი ზარქუას ცოლის ძმაა. იმავე წელს ამისულაშვილმა მისი კუთვნილი წილები შპს "ჯე5“-ს გადასცა, რომლის დირექტორიც და მესაკუთრეც თავად არის... წაიკითხეთ ვრცლად