ზესტაფონში ხუთი ადამიანი საავადმყოფოში გადაიყვანეს - მიზეზი სავარაუდოდ, სოკოთი ინტოქსიკაციაა
ზესტაფონში ხუთი ადამიანი ინტოქსიკაციის ნიშნებით საავადმყოფოში გადაიყვანეს. ინტოქსიკაცია სავარაუდოდ სოკომ გამოიწვია.
- როგორც ერთ-ერთი დაზარალებული აცხადებს, სოკოს მიღებიდან ნახევარ საათში მისი ჯანმრთელობის მდგომარეობა მკვეთრად გაუარესდა, მან 112-ში დარეკა, შემდეგ კი გონება დაკარგა.
კლინიკა "ფერომედში“ პაციენტებს სასწრაფო სამედიცინო დახმარება ჩაუტარეს. სამი ზრდასრული პაციენტის მდგომარეობა სტაბილურია, თუმცა ისინი კვლავ ექიმების დაკვირვების ქვეშ რჩებიან, მცირეწლოვნები კი კლინიკიდან უკვე გაწერეს.
ექიმების თქმით, ინტოქსიკაცია, სავარაუდოდ, სოკოს არასწორი ამოცნობისა და მოხმარების შედეგად მოხდა.