აჭარის მთავრობის სახლთან ადმინისტრაციული წესით ერთი პირი დააკავეს
აჭარის მთავრობის სახლთან, სადაც საპროტესტო აქცია მიმდინარეობდა, სამართალდამცავებმა ადმინისტრაციული სამართალდარღვევის ფაქტზე ერთი პირი დააკავეს.
- როგორც საქართველოს შინაგან საქმეთა სამინისტროში “ინტერპრესნიუსს” განუცხადეს, ფაქტზე გამოძიება ადმინისტრაციული კოდექსის 173-ე და 166-ე მუხლებით მიმდინარეობს.
არსებული ინფორმაციით, ახალგაზრდა მამაკაცი აქციის მონაწილეებთან მივიდა და სიტყვიერ შეურაცხყოფას აყენებდა, რის გამოც ის სამართალდამცავებმა ადგილზევე დააკავეს.
ცნობისთვის, 300 დღეზე მეტია, აჭარის მთავრობის სახლთან საპროტესტო აქცია ყოველდღე მიმდინარეობს.