"მანკიერებების პრევენციის მიზნით“ - ავღანეთში სოციალურ ქსელებზე წვდომა შეიზღუდა
ავღანეთში ზოგიერთ სოციალურ მედია პლატფორმაზე შეზღუდვები დაწესდა - კომუნიკაციებისა და ინფორმაციული ტექნოლოგიების სამინისტროს წყაროების ცნობით, შეზღუდვები დაწესდა გარკვეული ტიპის კონტენტზე, მათ შორის Facebook-ზე, Instagram-სა და X-ზე.
ზუსტად არ არის ცნობილი, თუ რა სახის პოსტები ექვემდებარება შეზღუდვას. ქაბულში სოციალური მედიის ზოგიერთმა მომხმარებელმა BBC-ს განუცხადა, რომ Facebook ანგარიშებზე ვიდეოების ნახვა აღარ არის შესაძლებელი, ხოლო Instagram-ზე წვდომაც შეიზღუდა.
"გარკვეული სახის კონტროლი დაწესდა ისეთ პლატფორმებზე, როგორიცაა Facebook, Instagram და X“ - განაცხადა თალიბანის მთავრობის წყარომ.
ერთი კვირით ადრე, მთელი ქვეყნის მასშტაბით ორი დღით შეწყდა ინტერნეტი. 48-საათიანმა ელექტროენერგიის გათიშვამ შეაფერხა ბიზნესი და ფრენები, ასევე შეზღუდა სასწრაფო დახმარების სერვისებზე წვდომა.
აღმოსავლეთ ნანგარჰარის პროვინციაში სამთავრობო ოფისში მომუშავე მამაკაცმა BBC-ს განუცხადა, რომ შეეძლო Facebook-ის გახსნა, თუმცა ფოტოებისა და ვიდეოების ნახვას ვერ ახერხებდა.
თალიბანის მთავრობას კომენტარი არ გაუკეთებია. თუმცა, გასულ თვეში, ჩრდილოეთ ბალხის პროვინციის გუბერნატორის პრესსპიკერმა განაცხადა, რომ ინტერნეტზე წვდომა "მანკიერებების პრევენციის მიზნით“ შეიზღუდა.