დრონებით შეტევა მოსკოვზე და აფეთქებების ხმა - რუსეთის თავდაცვის უწყების ცნობით, 193 უკრაინული დრონი ჩამოაგდეს: რა ხდებოდა რუსეთში წუხელ

წუხელ, რუსეთში, მოსკოვის ოლქში და მათ შორის, უშუალოდ მოსკოვში აფეთქებების ხმა ისმოდა. ამის შესახებ სოციალურ ქსელებში ადგილობრივები წერენ.

• რუსული ოფიციალური პირების ცნობით, უკრაინის თავდასხმა განხორციელდა. როგორც მოსკოვის მერი, სერგეი სობიანინი აცხადებს, რუსეთის საჰაერო თავდაცვამ მოსკოვისკენ მიმავალი 30 დრონი ჩამოაგდო.

სობიანინის განცხადებით, დრონების ნამსხვრევების ადგილებზე საგანგებო სიტუაციების სამსახურები მუშაობენ.

• რუსეთის თავდაცვის სამინისტროს ინფორმაციით, ქვეყნის საჰაერო თავდაცვის ძალებმა ღამით რუსეთის 13 რეგიონში 193 უკრაინული დრონი ჩამოაგდეს.

<script async src="https://telegram.org/js/telegram-widget.js?22" data-telegram-post="RBC_ua_news/167784" data-width="100%"></script>

მათივე ინფორმაციით, აქედან 40 დრონი მოსკოვის რეგიონში ჩამოაგდეს, მათ შორის 34 დრონი, რომლებიც დედაქალაქის მიმართულებით მიფრინავდნენ.

გარდა ამისა, რუსეთის თავდაცვის სამინისტროს ცნობით, უკრაინული უპილოტო საფრენი აპარატები ჩამოაგდეს ბრიანსკის, ტულის, კურსკის, ორიოლის, როსტოვის, ვორონეჟის, ორენბურგის, ტამბოვის, ბელგოროდის, ლიპეცკისა და სამარის ოლქებში.