ძლიერი მიწისძვრა თურქეთში, რასაც ნგრევა მოჰყვა - დაშავებულია 19 ადამიანი

თურქეთის დასავლეთით, ბალიქესირის პროვინციაში მომხდარი 6.1 მაგნიტუდის მიწისძვრის შედეგად ოთხი შენობა ჩამოინგრა. ბიძგები სტამბოლსა და რამდენიმე მიმდებარე პროვინციაში იგრძნობოდა.

• თურქეთის შინაგან საქმეთა მინისტრის, ალი იერლიკაიას განცხადებით, ერთ-ერთ შენობაში მაღაზია იყო განთავსებული.

მისივე იცნობით, დაღუპულების ან ნანგრევების ქვეშ მოყოლილი ადამიანების შესახებ ინფორმაცია არ არსებობს.

ქვეყნის ჯანდაცვის მინისტრი, ქემალ მემიშოღლუ სოციალურ პლატფორმა X-ზე წერს, რომ მიწისძვრის შედეგად 19 ადამიანი დაშავდა.

მისივე ინფორმაციით, ოთხი დაშავებული საავადმყოფოდან უკვე გაწერეს. დანარჩენების ჯანმრთელობის მდგომარეობა დამაკმაყოფილებელია.