"რესურსები უფრო მნიშვნელოვანი პრობლემისკენ უნდა მივმართოთ" - ბილ გეითსის მოულოდნელი განცხადება კლიმატის ცვლილების შესახებ
Microsof-ის დამფუძნებელი, მილიარდერი ბილ გეითსი, რომელიც ნახშირბადის გამონაბოლქვის შემცირების ერთ-ერთი მთავარი მომხრე იყო, ახლა აცხადებს, რომ კლიმატური ცვლილებებისთვის გამოყოფილი რესურსები უფრო მნიშვნელოვანი პრობლემისკენ უნდა მივმართოთ.
- გეითსი აქვეყნებს სტატიას, სადაც წერს, მსოფლიოს გარშემო ქველმოქმედებმა თავიანთი ძალები და რესურსები დაავადებებისა და შიმშილის პრევენციისკენ უნდა მიმართონ. მისი თქმით, კლიმატური ცვლილებები ადამიანთა მოდგმას არ გაანადგურებს. როგორც მილიარდერი მიიჩნევს, მართალია, ნახშირბადის შემცირებაზე დახარჯულმა რესურსებმა დიდი პროგრესი გამოიწვია, მაგრამ ისიც უნდა ითქვას, რომ კლიმატური ცვლილებისთვის გამოყოფილ თანხებს ხშირად არაეფექტიანად იყენებდნენ.
ბილ გეითსი არ ამბობს, რომ კლიმატური ცვლილებების წინააღმდეგ ბრძოლა უნდა შეწყვიტონ, თუმცა, მისი თქმით, დონალდ ტრამპის მიერ USAID-ის ბიუჯეტის შემცირებას უფრო დიდი პრობლემის გამოწვევა შეუძლია. მაგალითად, ძალიან გართულდება შიმშილისა და სიცოცხლისთვის საშიში დაავადებების წინააღმდეგ ბრძოლა.
"კლიმატური ცვლილება, დაავადებები და სიღარიბე, სამივე სერიოზული პრობლემებია. ჩვენ მათ უნდა ვებრძოლოთ იმ პროპორციით, რამდენ ტანჯვასაც იწვევენ ისინი“ - , ამბობს გეითსი.
"კლიმატურ ცვლილებებსაც სერიოზული შედეგები ექნება, განსაკუთრებით ღარიბ ქვეყნებში, მაგრამ ის ადამიანთა მოდგმას არ გაანადგურებს. ეს არის შანსი, რომ უფრო მნიშვნელოვან საკითხზე გავამახვილოთ ყურადღება - ადამიანთა სიცოცხლის გაუმჯობესება. ჩვენი მთავარი მიზანია ტანჯვის პრევენცია. განსაკუთრებით მსოფლიოს ყველაზე ღარიბ ქვეყნებში“ - , ამბობს გეითსი.
- ბილ გეითსის ამ მოსაზრებას არაერთი ადამიანი ეთანხმება, თუმცა მოწინააღმდეგეებიც ბევრი ჰყავს.
"ადამიანები ყველაფერს გაუძლებენ და, მიუხედავად იმისა, რომ კლიმატური კატასტროფები ხშირი იქნება, ისინი ადამიანთა რასას ვერ გაანადგურებენ. ამავდროულად, ინვესტიციები უნდა ჩავდოთ დაავადებების სამკურნალოდ", - ამბობს ვუდლენდის კლიმატის კვლევითი ცენტრის მეცნიერი, ჯენიფერ ფრენსისი.
სხვები ფიქრობენ, რომ გეითსი არასწორია.
"განვითარებადი ქვეყნებისთვის კლიმატურ კრიზისზე დიდი საფრთხე არ არსებობს. მას ყველაფერი უკუღმად ესმის“, - კლიმატის საკითხები მკვლევარი მაიკლ მენი.
მოამზადა საბა ჩიტიაშვილმა