“ჩემი გადარჩენაა დღეს ჩემი აქედან გაშვება, 2 ოპერაცია მჭირდება" - ნინო დათაშვილს პატიმრობა 5000-ლარიანი გირაოთი შეეცვალა
ბრალდებულ ნინო დათაშვილისთვის აღკვეთის ღონისძიების სახით შეფარდებული პატიმრობა, სასამართლომ უფრო მსუბუქი აღკვეთის ღონისძიების სახით შეცვალა და აღკვეთის ღონისძიების სახით 5000-ლარიანი გირაო შეუფარდა.
- კერძოდ, აღკვეთის ღონისძიების სახის შეცვლის შუამდგომლობა პროკურატურამ დააყენა, რომელსაც ადვოკატები და ბრალდებული ნინო დათაშვილიც დაეთანხმნენ.
"ჩემი გადარჩენაა დღეს ჩემი აქედან გაშვება, მადლობა მინდა გადავუხადო ექიმებს, მაგრამ არაფერი არ გამოვიდა და 2 ოპერაცია მჭირდება",- განაცხადა ნინო დათაშვილმა.
ინფორმაციისთვის, თბილისის საქალაქო სასამართლოში პედაგოგ ნინო დათაშვილის სასამართლო პროცესი მიმდინარეობს. ბრალდებული ნინო დათაშვილი სასამართლო სხდომას ჯანმრთელობის მდგომარეობის გამო დისტანციურად ესწრება.
ცნობისთვის, ნინო დათაშვილი თბილისის საქალაქო სასამართლოში 9 ივნისს მომხდარი ფაქტის გამო 20 ივნისს დააკავეს. მას ბრალდება საქართველოს სისხლის სამართლის კოდექსის 353-ე სეკუნდა მუხლის მე-3 ნაწილით წარედგინა, რაც საჯარო მოსამსახურეზე თავდასხმას მის მიერ სამსახურებრივი მოვალეობის შესრულების დროს გულისხმობს.აღნიშნული სასჯელის სახედ და ზომად ჯარიმას, ან 4-დან 7 წლამდე თავისუფლების აღკვეთას ითვალისწინებს.