ლუვრის ძარცვისთვის კიდევ 5 პირი დააკავეს - რა არის ცნობილი უძვირფასესი ნივთები მოპარვის საქმეში ბრალდებულებზე?
ლუვრის ძარცვის ბრალდებით დაკავებულია კიდევ ხუთი პირი. როგორც პარიზის პროკურატურაში აცხადებენ, ისინი გასულ ღამეს პარიზის რეგიონში დააკავეს.
- AFP-ის ინფორმაციით, მათ შორის არის მთავარი ეჭვმიტანილიც, ადამიანი, რომელიც უშუალოდ მონაწილეობდა ძარცვის პროცესში.
შეგახსენებთ, რომ დამატებით ხუთი ეჭვმიტანილის დაკავებამდე პოლიციამ ლუვრის ძარცვის ბრალდებით ორი ადამიანი დააკავა, რომლებმაც ბრალი "ნაწილობრივ აღიარეს".
ერთ-ერთი ბრალდებული 34 წლის ალჟირელი მამაკაცია. ერთიც პარიზში დაბადებული 39 წლის ტაქსის მძღოლი. ორივე მათგანს კრიმინალური წარსული აქვს.
- "არანაირი მტკიცებულება არ არსებობს, რომ მძარცველებმა მუზეუმის შიგნიდან რაიმე სახის დახმარება მიიღეს“ - , ამბობს პროკურორი ლორ ბეკაუ.
საფრანგეთის კანონმდებლობით ჯგუფური ძარცვის გამო პოტენციურად 15-წლიანი სასჯელი და დიდი ჯარიმაა.
დამნაშავეთა ძიებაში 100-ზე მეტი გამომძიებელი იყო ჩართული და სამართალდამცავებს 150 დნმ-ის ნიმუშის გაანალიზება მოუწიათ. შეისწავლეს დანაშაულის ადგილზე დარჩენილი ნივთები, ხელთათმანები, ჩაფხუტები და დამცავი ჟილეტები.
ერთ-ერთი მამაკაცი შარლ დე გოლის აეროპორტში დააკავეს, როცა ქვეყნის დატოვებას და ალჟირში გაქცევას ცდილობდა. ის პასპორტის შემოწმების დროს დააკავეს.
მოპარული სამკაულიდან არის 1000-ზე მეტი ბრილიანტის მქონე ყელსაბამი, რომელიც ნაპოლეონმა თავის მეორე ცოლს აჩუქა. აღსანიშნავია, რომ მოპარული ნივთები ბრალდებულების დაკავების შემდეგაც კი, ჯერჯერობით ნაპოვნი არ არის ნაპოვნი.
მოამზადა საბა ჩიტიაშვილმა
- ნახეთ ასევე:
- როგორ გაძარცვეს ლუვრი 10 წუთში - მშენებლების ფორმა ეცვათ, გამოიყენეს ხერხი და ძვირფასეულობა ყველას თვალწინ, მშვიდად მოიპარეს: დეტალები
- ვრცელდება კადრები, სადაც ჩანს, როგორ დატოვეს მძარცველებმა ლუვრი - ისინი აუღელვებლად მოქმედებენ და არც ჩქარობენ (ვიდეო)