ზურაბ ზურაშვილმა მეგობრის მკვლელობა და ყოფილი ცოლის დაჭრა აღიარა - დეტალები სასამართლო პროცესიდან

ყოფილი ცოლის დაჭრასა და მეგობრის მკვლელობაში ბრალდებულს, თელავის რაიონულმა სასამართლომ აღკვეთის ღონისძიების სახით პატიმრობა შეუფარდა.

• 43 წლის ზურაბ ზურაშვილის საქმე მოსამართლე გრიგოლ ვატიტაძემ განიხილა.

სხდომაზე პროკურორი განმარტავდა, რომ დაკავებულის მხრიდან არსებობდა ხელახალი დანაშაული ჩადენის, მიმალვის, მოწმეებზე ზემოქმედების და მტკიცებულებების განადგურების საფრთხე.

ადვოკატი მინარი მურღვაშვილი სხდომაზე 20 ათას ლარიან გირაოს ითხოვდა.

თავად ბრალდებულმა, პროცესზე აღიარა დანაშაული და მოტივზე ისაუბრა.

მკვლელობა 29 ოქტომბერს სიღნაღის მუნიციპალიტეტის სოფელ ძველ ანაგაში მოხდა. კაცმა ყოფილ ცოლსა მის მეგობარ მამაკაცს სანადირო თოფიდან ესროლა. 47 წლის კაცი ადგილზე გარდაიცვალა, 41 წლის ქალი კი საავადმყოფოშია მოთავსებული. გამოძიება დამამძიმებელ გარემოებაში განზრახ მკვლელობის მცდელობის მუხლით მიმდინარეობს.

წინა სასამართლო სხდომა 23 დეკემბერს ჩაინიშნა.

წაიკითხეთ ასევე:

• ანაგაში მომხდარი მკვლელობის დეტალები: ბრალდებული და მოკლული მეგობრები იყვნენ - "ჯერ ღვედაშვილს ესროლა, შემდეგ ნათია დაჭრა"