რამზან კადიროვი კვლავ კამერების წინ ვარჯიშობს - რა კადრებს აქვეყნებს რამზანის შვილი და ჩეჩნეთის ფიზკულტურის მინისტრი? (ვიდეო)
რამზან კადიროვის ვაჟმა და ჩეჩნეთის ფიზკულტურის მინისტრმა ახმატ კადიროვმა, მამასთან ერთად ვარჯიშის ვიდეო გამოაქვეყნა.
- კადრები ჩეჩნეთის ლიდერის ავადმყოფობისა და მემკვიდრის ძებნის შესახებ ჭორების ფონზე გავრცელდა.
<script async src="https://telegram.org/js/telegram-widget.js?22" data-telegram-post="ARKadyrov/270" data-width="100%"></script>- ჩეჩნეთის ლიდერის ჯანმრთელობის პრობლემების შესახებ ინფორმაცია ჯერ კიდევ 2023 წელს გავრცელდა. მას შემდეგ მისი გარემოცვა რეგულარულად აქვეყნებდა რამზანის ვარჯიშის ვიდეოებს.
"ნოვაია გაზეტას“ ცნობით, კადიროვს პანკრეასის ნეკროზის დიაგნოზი დაუსვეს. კიდევ ერთი ვერსიით,ჩეჩნეთის ლიდერს თირკმლის მძიმე უკმარისობა განუვითარდა.
რამდენიმე თვის წინ, კადიროვი მისი ავადმყოფობის შესახებ გავრცელებულ ცნობებს გამოეხმაურა და Telegram-არხზე ვიდეო გამოაქვეყნა:
"უფრო და უფრო ხშირად მესმის ჭორები ჩემი ავადმყოფობის შესახებ, თითქოს, ვკვდები, დიდი დრო აღარ დამრჩა. უპირველეს ყოვლისა, ავადმყოფობა და სიკვდილი ადამიანის გზაა. ამ გზისთვის თავი ცოცხალთაგან არავის არ აურიდებია. მეორე მხრივ, არც ავადმყოფობა და არც საფრთხე სიცოცხლეს არ ამოკლებს. მის ხანგრძლივობას განსაზღვრავს მხოლოდ ის, ვინც სუნთქვა გვაჩუქა". - ამბობდა კადიროვი.