პოპულარული რეპერი ინფლუენსერის გარდაცვალების გამო დააკავეს - რას წერს მედია

მალაიზიელ რეპერ Namewee-ს ტაივანელი ინფლუენსერის გარდაცვალებასთან დაკავშირებით წინასწარი პატიმრობა შეეფარდა.

31 წლის ირის ჰსიეჰი ორი კვირის წინ, კუალა-ლუმპურის სასტუმროს აბაზანაში, გარდაცვლილი იპოვეს. პოლიციის ცნობით, 42 წლის რეპერი გარდაცვალებამდე ქალთან ერთად ნახეს. როგორც ცნობილია, რეპერი მალაიზიაში იმ რეკლამის განსახილველად ჩავიდა, რომელშიც Namewee-თან ერთად უნდა მიეღო მონაწილეობა.

მალაიზიელ რეპერს ნარკოტიკების უკანონო მოხმარება და შენახვა ედება ბრალად. ახლა ის წინასწარ პატიმრობაში რჩება, რათა „დაეხმაროს გამოძიებას“ მას შემდეგ, რაც ქალის გარდაცვალება მკვლელობად გადაკვალიფიცირდა.

რეპერი ბრალდებებს უარყოფს. მისი ადვოკატის თქმით, ის ხელისუფლებას ოთხშაბათს დილით ჩაბარდა და ექვსდღიანი წინასწარი პატიმრობა შეეფარდა.

• მალაიზიური მედიის ცნობით, Namewee-მ სასწრაფო დახმარების სამსახურს 22 ოქტომბერს, ადგილობრივი დროით 12:30 საათზე მიმართა მას შემდეგ, რაც ინფლუენსერი აბაზანაში უგონო მდგომარეობაში იპოვა. პოლიციამ რეპერი იმავე დღეს დააკავა. სასტუმროს ნომერში კი ცხრა ლურჯი აბი აღმოაჩინეს, სავარაუდოდ ის “ექსტაზი“ იყო.

პოლიციამ ასევე განაცხადა, რომ Namewee-ის რამდენიმე უკანონო ნივთიერება აღმოაჩნდა, მათ შორის ამფეტამინები, მეტამფეტამინი, კეტამინი და THC.

მომღერალს, რომელიც ცნობილია თავისი სატირული და უხამსი ტექსტებით, YouTube-ზე 3.6 მილიონი გამომწერი და Instagram-ზე 856,000 გამომწერი ჰყავს. ის მანდარინზე მღერის და ძალიან პოპულარულია ტაივანსა და ჩინეთში.

• ვინ არის გარდაცვლილი ინფლუენსერი ირის ჰსიე?

ჰსიე აზიაში ნაკლებად ცნობილი იყო, თუმცა მას სოციალურ ქსელებში საკმაოდ დიდი გამომწერი ჰყავდა.

მალაიზიაში გამომავალი ჩინურენოვანი გაზეთის, China Press-ის, ცნობით, გულშემატკივრებმა მას „ექთანი ქალღმერთი“ შეარქვეს. მან დაამთავრა ცენტრალური ტაივანის მეცნიერებისა და ტექნოლოგიების უნივერსიტეტი ექთნის სპეციალობით.

მალაიზიური მედიის ცნობით, ჰსიეჰმა ონლაინ პოპულარობა დაახლოებით 2019 წელს მოიპოვა და მომდევნო წელს გამოუშვა პირადი ფოტოალბომი სახელწოდებით „ანგელოზის გული“.

მას ინსტაგრამზე დაახლოებით 545,000 გამომწერი ჰყავს. ის ასევე აქტიური იყო OnlyFans-ზე, სადაც ანგარიში 2022 წელს შექმნა.

წყარო

იხილეთ ასევე:

• “ანდების მონსტრი“ - სერიული მკვლელი, რომელმაც 300-მდე ქალი და მოზარდი მოკლა, ახლა თავისუფალია, თუმცა არავინ იცის სად არის ის