"თქვენ გეშინიათ ტრამპის?" - რა უპასუხა ვოლოდიმირ ზელენსკიმ ჟურნალისტის შეკითხვას
უკრაინის პრეიზდენტმა ვოლოდიმირ ზელენსკიმ "გარდიანთან“ ინტერვიუში რუსეთის მხრიდან უკრაინაზე განხორციელებულ დარტყმებზე ისაუბრა და თქვა, რომ შედეგად დაზიანდა უკრაინის ენერგოსისტემა.
- საუბარი შეეხო ომთან დაკავშირებულ საკითხებს, ასევე ზელენსკის ურთიერთობას აშშ-ის პრეზიდენტ დონალდ ტრამპთან.
უკრაინის პრეზიდენტმა დონალდ ტრამპთან შეხვედრას "ნორმალური“ და "კონსტრუქციული“ უწოდა. მან უარყო გავრცელებული ინფორმაცია, რომ თითქოს ტრამპმა ომის დასრულება პუტინის პირობებით მოსთხოვა.
"მსოფლიოში ყველას ეშინია ტრამპის. ეს სიმართლეა“, - თქვა ზელენსკიმ, რასაც ჟურნალისტის კითხვა მოჰყვა: "თქვენ გეშინიათ ტრამპის?“
ზელენსკიმ კითხვას ასე უპასუხა: "არა, ამერიკა ჩვენი მტერი არ არის. ჩვენ მეგობრები ვართ და რატომ უნდა მეშინოდეს?!"
მოამზადა საბა ჩიტიაშვილმა