თბილისის მთავარი ნაძვის ხე ლოკაციას იცვლის - წელს ის რესპუბლიკის მოედანზე განთავსდება
თბილისის მთავარი ნაძვის ხე წელს პირველი რესპუბლიკის მოედანზე განთავსდება. ამის შესახებ ინფორმაცია „ინტერპრესნიუსს“ დედაქალაქის მერიაში დაუდასტურეს.
საახალწლო ილუმინაციებს გასული წლების მსგავსად, წელსაც დეკემბრის პირველ ნახევარში აანთებენ.
bpn.ge-ის ინფორმაციით, 2026 წლის შობა-ახალი წლის დღესასწაულთან დაკავშირებით, თბილისის მერიამ 8 280 000 ლარის გამარტივებული შესყიდვა გამოაცხადა.
სატენდერო დოკუმენტაციის თანახმად, მერია 2025 წლის 12 დეკემბრიდან 2026 წლის 14 იანვრის ჩათვლით, „საახალწლო ქალაქის“ მოწყობას, მრავალფეროვანი გასართობი და სანახაობრივი ღონისძიებების გამართვას გეგმავს.
- ამასთან, როგორც ირკვევა, „საახალწლო ქალაქი“ პირველი რესპუბლიკის მოედანზე მოეწყობა, დედაქალაქის მთავარი საახალწლო ნაძვის ხეც იქვე დაიდგმება და "საახალწლო ქალაქი" 12 დეკემბერს ცენტრალური ნაძვის ხის ანთების ცერემონიით გაიხსნება. განაგრძეთ კითხვა