ტრამპის ახალი ბრძანება - აშშ-ში იმპორტირებულ ასობით საკვებ პროდუქტზე ტარიფები გაუქმდა: ჩამონათვალი

დონალდ ტრამპმა აშშ-ში იმპორტირებულ ასობით საკვებ პროდუქტზე ტარიფები გააუქმა, - ინფორმაციას Reuters-ი აშშ-ის პრეზიდენტის აღმასრულებელ ბრძანებაზე დაყრდნობით ავრცელებს.

• აშშ-ის პრეზიდენტის, დონალდ ტრამპის აღმასრულებელი ბრძანების თანახმად, ტარიფები აღარ გავრცელდება ისეთ საკვებ პროდუქტებზე როგორიც, ყავა, ჩაი, ბანანი, ავოკადო და საქონლის ხორცია.

დონალდ ტრამპის ადმინისტრაციის განცხადებით, აღნიშნული პროდუქციის აშშ-ში საკმარისი რაოდენობით წარმოება შეუძლებელია.

ამასთან, დონალდ ტრამპმა გადაწყვეტილების გამოცხადების შემდეგ ჟურნალისტებთან საუბარში აღნიშნა, რომ ტარიფებმა შესაძლოა „ზოგიერთ შემთხვევაში“ ფასების გაზრდა გამოიწვიოს, თუმცა აშშ-ში „ინფლაცია ფაქტობრივად არ არის“.