"ცხოვრების ორსახოვნება ქრონიკულ დაავადებასთან ერთად" - რას წერს ბელა ჰადიდი ქრონიკულ დაავადებასთან ბრძოლაზე
ბელა ჰადიდი ლაიმის დაავადებასთან ბრძოლას კვლავ განაგრძობს.
სუპერმოდელმა Instagram-ზე რამდენიმე პოსტი გააზიარა, მათ შორისაა ინფლუენსერ ალექსანდრა უაილდსონის სლაიდები, სადაც წერია: "ცხოვრების ორსახოვნება ქრონიკულ დაავადებასთან ერთად"
- "სამედიცინო საკითხებთან დაკავშირებული შფოთვა ძალიან რეალურია. გმადლობთ, რომ ჩემი ყველა ფიქრი და ყოველდღიური სიტუაცია ერთ პოსტში გადმოეცით",- დააწერა ჰადიდმა და მასზე უაილდსონი მონიშნა.
- ჰადიდს, რომელიც გასულ თვეში Victoria’s Secret-ის მოდის ჩვენებაზე 22 კილოგრამიანი ფრთებით გამოვიდა, ლაიმის დაავადების დიაგნოზი 2013 წელს დაუსვეს.
სექტემბერში 28 წლის მოდელმა საავადმყოფოს საწოლიდან შემაშფოთებელი ფოტოები გამოაქვეყნა. ფოტოებში ჩანს, რომ ჰადიდი საავადმყოფოს პალატაში ინტრავენურ აპარატზეა შეერთებული.
მან ფოტოების აღწერაში დაწერა: "ბოდიში,რომ ყოველთვის უეცრად ვქრები სოციალური ქსელებიდან, მიყვარხართ".
- ბელას ამ პოსტს მისი დედა, იოლანდა გამოეხმაურა და დაწერა:
"მებრძოლი! მიყვარხარ! იმედი მაქვს, მალე თავს ისე მოძლიერებულად და კარგად იგრძნობ, როგორც იმსახურებ!!!"
წყარო: pagesix
მოამზადა: ანა სიბოშვილმა