“გთხოვთ დაიცავით შემდეგი რეკომენდაციები...“ - ბიძინა კულუმბეგოვი ჰაერის დაბინძურებასთან დაკავშირებით საზოგადოებას მიმართავს
ცნობილი ექიმი-ალერგოლოგი ბიძინა კულუმბეგოვი ატმოსფერულ ჰაერში მტვრის მყარი ნაწილაკების კონცენტრაციის მატებასთან დაკავშირებით “ფეისბუქზე“ წერს და რამდენიმე რეკომენდაციას იძლევა.
- მისი თქმით, სასურველია ქუჩაში სპეციალური ნიღბით გადაადგილება და არასასურველი დაბინძურებისგან თავის აცილების მიზნით, რამდენიმე რჩევის გათვალისწინება.
“საქართველოს გარემოს ეროვნული სააგენტოს მიხედვით, თბილისის ჰაერი საგრძნობლად დაბინძურებულია მყარი ნაწილაკებით (PM2.5 და PM10).
გთხოვთ დაიცავით შემდეგი რეკომენდაციები, განსაკუთრებით ასთმის და ფილტვის ქრონიკული ობსტრუქციული დაავადების მქონე პაციენტებმა:
- დარჩით შენობაში და შეზღუდეთ ქუჩაში ყოფნის დრო
- მოერიდეთ ფიზიკურ დატვირთვას გარეთ
- არ გაანიავოთ საცხოვრებელი სახლი ან ოფისი, სანამ ჰაერის ხარისხი არ გაუმჯობესდება.
- გამოიყენეთ შესაბამისი ნიღაბი: N95 ან FFP2 ტიპის რესპირატორი (ჩვეულებრივი სამედიცინო ნიღაბი ასეთი ზომის მყარ ნაწილაკებს ვერ აკავებს).
- მანქანაში ჩართეთ შიდა ჰაერის წმენდის რეჟიმი
- სახლი დაალაგეთ სველი წესით.
ჯანმრთელობას გისურვებთ!“ - წერს ბიძინა კულუმბეგოვი.
“ატმოსფერულ ჰაერში მტვრის მყარი ნაწილაკების კონცენტრაციის მატება განაპირობა ქვეყანაში უდაბნოს მტვრის მასების გავრცელებამ. სიტუაცია გაუმჯობესდება შესაბამისი მეტეოროლოგიური პროცესების განვითარებისთანავე“,- აცხადებს გარემოს ეროვნული სააგენტოს გარემოს დაბინძურების მონიტორინგის დეპარტამენტის ხელმძღვანელი მარინა არაბიძე.
მისივე თქმით, გარემოს ეროვნული სააგენტო 18 ავტომატური სადგურის საშუალებით ატმოსფერული ჰაერის ხარისხის უწყვეტ მონიტორინგს ახორციელებს.
იხილეთ ასევე: