"ამისთვის გადაგვიღეს ამდენი ფოტო ასე რომ დამედოო?!" - რას წერს ტრაგიკულად დაღუპული ბაიკერის მეუღლე

30 ნოემბერს, ტრაგედია დატრიალდა სამტრედია-აბაშის გზაზე, სადაც ავარიას 2 ახალგაზრდა ემსხვერპლა. უბედური შემთხვევა სოფელ გაუწყინარის მონაკვეთზე მოხდა.

ახალგაზრდები მოტოციკლებით გადაადგილდებოდნენ. ადგილზე დაიღუპა 25 წლის ბაიკერი საბა ტუღუში. საავადმყოფოში გადაიყვანეს მძიმე მდგომარეობაში მყოფი მეორე ახალგაზრდა შაკო ბიჭაშვილი, სამწუხაროდ, მისი გადარჩენა ვერ მოხერხდა.

შსს-მ გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

როგორც ირკვევა, საბა ტუღუში ახალი დაქორწინებული იყო. მისი მეუღლე, მაგდა ზვიადაძე ქორწილის კადრებს აქვეყნებს და წერს:

"ამისთვის გადაგვიღეს ამდენი ფოტო ასე რომ დამედოო?! ღმერთო, დამიბრუნე" - წერს მაგდა ზვიადაძე.

Ambebi.ge თანაუგრძნობს გარდაცვლილთა ოჯახებს.