"ეს ლეგენდის დაცინვაა" - იტალიაში, საახალწლოდ ყინულის მოედნის მოწყობისას, ლუჩანო პავაროტის ქანდაკება "გაყინეს"

იტალიის ქალაქ პეზაროს მერმა ოპერის ვარსკვლავის, ლუჩანო პავაროტის ოჯახს ბოდიში მოუხადა მას შემდეგ, რაც საშობაო ყინულის მოედნის მოწყობის დროს გარდაცვლილი მომღერლის ქანდაკება გაყინეს. დროებითი ყინულის მოედანი ქალაქის ცენტრში მოეწყო, რის გამო, პავაროტის ქანდაკება მუხლამდე ყინულით დაიფარა.

• მომღერლის ქვრივმა, ნიკოლეტა მანტოვანიმ, ადგილობრივ მედიას განუცხადა, რომ "გაბრაზებული და განაწყენებულია“ და მომხდარი "ქმრის დაცინვად" მიიღო. საპასუხოდ, პიზაროს მერმა თქვა, რომ არავის შეურაცხყოფას არ აპირებდა და აღიარა, რომ მისმა საბჭომ "შეცდომა დაუშვა“.

"არ მეგონა, რომ ქალაქი ასე მოეპყრობოდა იმ ადამიანის ხსოვნასა და იმიჯს, რომელმაც იტალია მთელ მსოფლიოში დიდებული გახადა“, - განუცხადა მანტოვანიმ ადგილობრივ გამოცემა Il Resto del Carlino-ს.

• ბრინჯაოს ქანდაკება 2024 წლის აპრილში გაიხსნა. პავაროტი ცნობილია, როგორც ყველა დროის ერთ-ერთი ყველაზე წარმატებული ოპერის ვარსკვლავი. მისი ბოლო გამოსვლა 2006 წლის თებერვალში, ტურინში, ზამთრის ოლიმპიური თამაშების გახსნაზე შედგა.

ის მომდევნო წელს, 71 წლის ასაკში გარდაიცვალა.

პავაროტის ორი ქორწინებიდან ოთხი ქალიშვილი დარჩა. მანტოვანი მისი მეორე ცოლი იყო. ის 2020 წელს ხელახლა დაქორწინდა ფინანსურ მრჩეველ ალბერტო ტინარელისზე.