"SpaceX-ის ტექნოლოგიებს ჩუმად უღებდა ფოტოებს..." - რუსი კოსმონავტი Crew-12-ის მისიიდან სავარაუდო ჯაშუშობის გამო გააძევეს
რუსი კოსმონავტი, ოლეგ არტემიევი Crew-12-ის მისიიდან ჯაშუშობის ბრალდებით გააძევეს - ინფორმაციას რაკეტის გაშვების ანალიტიკოსი გეორგი ტრიშკინი ავრცელებს.
მისივე ცნობით, არტემიევი გაათავისუფლეს ITAR-ის (ინტელექტუალური ტექნოლოგიების დანიშვნის შესახებ ანგარიშგების) ექსპორტის შეზღუდვების შესაძლო დარღვევის გამო - იგი SpaceX-ის ტექნოლოგიებს და ტექნიკურ დოკუმენტაციას ჩუმად უღებდა ფოტოებს და შემდეგ ეს მასალები კოსმოსური ცენტრის ფარგლებს გარეთ გაჰქონდა.
- არსებული ინფორმაციით, არტემიევი SpaceX-ის ბაზაზე მუშაობდა და ის მას შემდეგ გაუშვეს, რაც ტელეფონში SpaceX-ის ძრავებისა და სხვა შიდა მასალების ფოტოები უპოვეს.
2 დეკემბერს "როსკოსმოსმა“ დაადასტურა, რომ Crew-12-ის მისიის მთავარი ეკიპაჟის წევრად არტემიევს ანდრეი ფედიაევი ჩაანაცვლებდა . "ეს გადაწყვეტილება მიღებული იქნა ოლეგ არტემიევის სხვა თანამდებობაზე გადაყვანის გამო“, - განაცხადე "როსკოსმოსში“.
54 წლის არტემიევს რუსეთის გმირის წოდება აქვს მიღებული. კარიერის მანძილზე კოსმონავტმა კოსმოსში სამი ფრენა განახორციელა.
ცნობისთვის, Space X Crew-12 ამერიკელებისა და რუსების ერთობლივი მისიაა.