თელავში, 3 წლის ბავშვი ავარიაში მოჰყვა: ის გაჩერებულ მანქანაში მარტო იყო, რა დროსაც კარი გახსნა და გზაზე გადასვლა სცადა - როგორია მცირეწლოვანის მდგომარეობა
თელავში 3 წლის ბავშვს ავტომობილი დაეჯახა. შემთხვევა ჭავჭავაძის ქუჩაზე მოხდა. დაშავებული საავადმყოფოშია გადაყვანილი.
თვითმხილველების თქმით, მცირეწლოვანი გაჩერებულ მანქანაში მარტო იმყოფებოდა, რა დროსაც ავტომობილის კარი გახსნა და გზაზე გადასვლა სცადა. ბავშვს ავტომობილი სწორედ ამ დროს დაეჯახა.
დაშავებული უგონო მდგომარეობაში სასწრაფო-სამედიცინო დახმარების ბრიგადამ თელავის რეფერალურ საავადმყოფოში გადაიყვანა. მას ამ წუთებში პირველადი დახმარება უტარდება.
შემთხვევის ადგილზე მობილიზებულია პოლიცია.