სუს-ში ვახტანგ გომელაური და "ხარება" გამოიკითხა - რა დეტალები ხდება ცნობილი
შინაგან საქმეთა ყოფილი მინისტრი ვახტანგ გომელაური სახელმწიფო უსაფრთხოების სამსახურში გამოიკითხა.
- როგორც "ინტერპრესნიუსს" სუს-ში განუცხადეს, გომელაურმა უწყების გამომძიებლის შეკითხვებს დღეს დილით უპასუხა.
არსებული ინფორმაციით, შინაგან საქმეთა ყოფილი მინისტრი BBC-ის მიერ მომზადებულ საგამოძიებო მასალასთან დაკავშირებით გამოიკითხა.
ასევე BBC-ის მიერ მომზადებულ საგამოძიებო მასალასთან დაკავშირებით დღეს გამოიკითხა შინაგან საქმეთა სამინისტროს განსაკუთრებულ დავალებათა დეპარტამენტის ყოფილი ხელმძღვანელი, ზვიად ხარაზიშვილი, იგივე „ხარება“ .
ცნობისთვის, BBC-მ მოამზადა და გამოაქვეყნა საგამოძიებო მასალა, რომლის მიხედვით, 2024 წლის ნოემბერ-დეკემბერში საპროტესტო აქციების დასაშლელად ნივთიერება „კამიტი“ გამოიყენეს, რომლის გამოყენება ბოლოს I მსოფლიო ომის დროს მოხდა.
აღნიშნული რეპორტაჟის გავრცელების შემდეგ სახელმწიფო უსაფრთხოების სამსახურმა გამოძიება ორი მუხლით დაიწყო. ეს მუხლებია: - სამსახურებრივი უფლებამოსილების გადამეტება და უცხოეთის ორგანიზაციისთვის მტრულ საქმიანობაში დახმარება.
წაიკითხეთ ასევე:
- “2009 წელს გარკვეული გამხსნელი ფხვნილი შეიძინა ვანო მერაბიშვილმა... თუ ვინმეს პასუხისმგებლობა შეიძლება დადგეს, თეორიულად ეს არის მერაბიშვილი“ - პრემიერი
- გია ხუხაშვილი: "გომელაურს დიდი სიამოვნებით აქცევდნენ განტევების ვაცად, თუმცა, ამ საქმეში ჯოხს მხოლოდ მასზე ვერ გადატეხენ" - "ქიმიური სკანდალი" გრძელდება