ფოთში, კორპუსის ერთ-ერთ ბინაში ხანძარი გაჩნდა - დაიღუპა 60 წლამდე მამაკაცი
ფოთში, საცხოვრებელ კორპუსში ხანძარს 60 წლამდე მამაკაცი ემსხვერპლა.
ცეცხლი რუხაძის ქუჩაზე მდებარე მაღალსართულიანი კორპუსის ერთ-ერთ საცხოვრებელ ბინაში გვიან ღამით გაჩნდა.
მეზობლების ინფორმაციით, მამაკაცი მარტო ცხოვრობდა. შემთხვევის ადგილზე რამდენიმე სახანძრო-სამაშველო ბრიგადა მუშაობდა. მობილიზებული იყო პოლიცია.
ცეცხლის გაჩენის მიზეზი ჯერჯერობით უცნობია.