"ლევ დენგოვზე ქორწინების შემდეგ,, მისი ცხოვრება ზღაპარს დაემსგავსა" - 4-მილიონიანი რეზიდენცია და საკოლექციო ავტომობილები - რუსული მედია ქეთა თოფურიას მდიდრულ ცხოვრებაზე წერს
"რეზიდენცია 4 მილიონ დოლარად და საკოლექციო ავტომობილები: ქეთა თოფურიას მდიდრული ცხოვრება“, - ამ სათაურით მომღერლის მდიდრულ ცხოვრებაზე რუსული მედია მორიგ სტატიას აქვეყნებს.
მას შემდეგ, რაც თოფურია რუსი ბიზნესმენის ლევ დენგოვის ცოლია, ადგილობრივი მედია ხშირად ინტერესდება ქეთას ქონებით.
ჯგუფ "ა-სტუდიოს" სოლისტმა, ქეთა თოფურიამ ცოტა ხნის წინ, საკუთარ თავს ნამდვილი დღესასწაული მოუწყო. მომღერალმა დუბაიში, მდიდრულ იახტაზე დაისვენა, სადაც უფროს შვილებთან - 10 წლის ოლივიასთან და 4 წლის ადამთან ერთად იმყოფებოდა. რაც შეეხება უმცროს ქალიშვილს, ერთი წლის ნიკოლს, მომღერალმა ტრადიცია არ დაარღვია და პატარა კადრს მიღმა დატოვა, რადგან საჯაროდ უმცროსი შვილის გამოჩენას ქეთა და მისი მეუღლე ჯერჯერობით ერიდებიან.
შემოქმედებიდან გლამურისკენ: რატომ საუბრობენ ქეთას ცხოვრების სტილზე უფრო მეტს, ვიდრე მის სიმღერებზე?
ბოლო დროს მედია და თაყვანისმცემლები სულ უფრო იშვიათად საუბრობენ ქეთას მუსიკალურ პროექტებზე, თუმცა დიდი ინტერესით განიხილავენ მის დახვეწილ სტილსა და ვარსკვლავური ცხოვრების წესს. ამის მიზეზი კი ნამდვილად არსებობს - ბიზნესმენ ლევ დენგოვზე ქორწინების შემდეგ, თოფურიას ცხოვრება ლამაზ ზღაპარს დაემსგავსა.
მომღერალი სამ შვილს ზრდის, მისი საცხოვრებელი სახლი კი მოსკოვის პრესტიჟულ უბანში, "ნიკოლინა გორაზე" მდებარე 5-სართულიანი ვილაა.
თუმცა, მისი ქონების ნამდვილი "მარგალიტი" ზამთრის რეზიდენციაა - 150 კვადრატული მეტრი ფართობის ბინა დუბაის ელიტურ კომპლექსში, საიდანაც სპარსეთის ყურის პანორამული ხედი იშლება. ექსპერტების შეფასებით, ამ აპარტამენტების ღირებულება დაახლოებით 4 მილიონი დოლარია.
გარდა უძრავი ქონებისა, ქეთა ცნობილია საკოლექციო ავტომობილების სიყვარულითაც. მან უკვე მოახერხა, რომ არა მხოლოდ მომღერლის, არამედ სტილის ხატის სტატუსი დაემკვიდრებინა და საკუთარი მოდის ბრენდის სახეც გამხდარიყო - წერს მედია.
ოჯახი და კარიერა: როგორ უყურებს მეუღლე მომღერლის წარმატებას?
მიუხედავად ფუფუნებაში ცხოვრებისა და მაღალი სოციალური სტატუსისა, ქეთა მუსიკალური კარიერის მიტოვებას არ აპირებს. რაც მთავარია, მისი მეუღლე, ლევ დენგოვი სრულად უჭერს მხარს ცოლის შემოქმედებით ამბიციებს. ის არათუ არ ეწინააღმდეგება ქეთას აქტიურ საგასტროლო გრაფიკს, არამედ ახალისებს კიდეც მის წარმატებებს შოუ-ბიზნესში. თოფურიასთვის ეს პირადი ბედნიერებისა და სცენაზე რეალიზების იდეალური ბალანსია.
წაიკითხეთ ასევე:
- "თვალებიდან ნაპერწკლები გამცვივდა. ცხვირი შემიშუპდა და კეხი გაიზარდა" - ქეთა თოფურიამ კიდევ ერთხელ გაიკეთა ცხვირის ოპერაცია? რას ამბობს მომღერალი პლასტიკურ ჩარევებზე
- "ქეთა თოფურიას ბიზნეს წამოწყება წარუმატებელი აღმოჩნდა... მოგება ნული იყო" - როგორ დააგროვა მილიარდები მომღერლის ქმარმა: რუსული მედია ლევ დენგოვის ბიზნეს-იმპერიაზე წერს