"რა რეალიზატორი? ვინ დაიჯერებს ამას დათუნაზე?! ავად რომ იყო ეს მთელმა თბილისმა იცოდა" - რას წერს ენდი ძიძავა დაკავებულ დიზაინერზე

ორი დღის წინ შსს-ს თანამშრომლებმა დააკავეს დიზაინერი დათუნა სულიკაშვილი.

• როგორც Ambebi.ge-ს დიზაინერის მეგობარი ეუბნება, სულიკაშვილი გუშინ, 10 დეკემბერს ქუჩაში დააკავეს. აღკვეთის ღონისძიების სახით, ორთვიანი პატიმრობა კი დღეს შეუფარდეს. სასამართლო პროცესი ცოტა ხნის წინ დასრულდა.როგორც Ambebi.ge-ს შსს-ში განუცხადეს, საქმე ეხება დიდი ოდენობით ნარკოტიკების შეძენა-შენახვას.

მსახიობი ენდი ძიძავა სოციალურ ქსელში წერს, რომ დათუნა სულიკაშვილის მიმართ წაყენებული ბრალდება უსაფუძვლოა

"აი, ვზივარ და ვფიქრობ გამოვაქვეყნო თუ არა დათუნა სულიკაშვილის ჩემთან მიმოწერა, მაგრამ უფლებას ვერ ვაძლევ საკუთარ თავს მისი თანხმობის გარეშე გამოვფინო აქ წერილები, რომლებიც ძიებასაც კი გამოადგება მისი ნარკოგამსაღებლის უდანაშაულობის მტკიცების ნაწილში... ალბათ ჩემნაირად რამდენი ფიქრობს... რა რეალიზატორი? ვინ დაიჯერებს ამას დათუნაზე?!.. ავად რომ იყო ეს მთელმა თბილისმა იცოდა.

პ.ს. ვინც მიცნობთ, წესით ეჭვი არ უნდა შეგეპაროთ ნარკოდანაშაულისადმი ჩემს დამოკიდებულებაზე. შინაგან საქმეთა სამინისტრო / Ministry of Internal Affairs of Georgia მე მზად ვარ წარგიდგინოთ მიმოწერა. ამ მიმოწერით ( და ასეთი მიმოწერები მრავლად მოიძებნება დათუნას სამეგობროში) ნათელი გახდება ის, რომ დათუნა და ნარკორეალიზაცია ერთად ერთი დიდი აბსურდია. ბოლო წერილი გუშინწინ მოწერილია, რომელზედაც უბრალოდ აღარ ვუპასუხე" - წერს ენდი ძიძავა.

გამოძიება დათუნა სულიკაშვილი ბრალდება სსკ-ის 260-ე მუხლის მესამე ნაწილის ა ქვეპუნქტით აქვს წარდგენილი, რაც განსაკუთრებით დიდი ოდენობით ნარკოტიკების შეძენა-შენახვას გულისხმობს.