ქართველი წყვილი მადრიდის მასტერსზე - ჩოგბურთის მატჩზე ქართველმა ბიჭმა საყვარელ გოგონას ხელი სთხოვა
სპორტული სამყარო დღეს არა მხოლოდ დაძაბულმა მატჩებმა, არამედ ულამაზესმა რომანტიკულმა ისტორიამ აალაპარაკა.
- მადრიდის პრესტიჟულ მასტერსზე, ალექს დე მინორისა და ლორენცო მუზეტის მატჩის დაწყებამდე, კორტზე ყველასთვის მოულოდნელად, მაყურებელი რომანტიკული მომენტის მნახველი გახდა.
ქართველმა ილუშკა დავლაძემ საყვარელ გოგონას, კატო მაისაძეს, საჯაროდ, ათასობით მაყურებლის წინაშე სთხოვა ხელი. ემოციურმა მომენტმა, რომელიც Setanta Sports-ის პირდაპირ ეთერში მოხვდა, გულგრილი არავინ დატოვა. როგორც მოსალოდნელი იყო, კატომ საქმროს "თანახმა ვარ!" უპასუხა!
კადრები, სადაც ილუშკა დავლაძე საყვარელ ქალს ბეჭედს უკეთებს, ინტერნეტსივრცეში ვირუსულად ვრცელდება.
