როსტოვის პორტში დრონებით თავდასხმის შედეგად ორი ადამიანი დაიღუპა, - ინფორმაციას რუსული მედია როსტოვის ოლქის გუბერნატორზე, იური სლიუსარზე დაყრდნობით ავრცელებს.
"როსტოვის პორტში თავდასხმის შედეგად სატვირთო გემზე ხანძარი გაჩნდა, რის შედეგადაც ეკიპაჟის ორი წევრი დაიღუპა და სამი დაშავდა“, - განაცხადა გუბერნატორმა.
ასევე, სლიუსარის ინფორმაციით, ქალაქ ბატაისკში დრონებით თავდასხმის შედეგად შვიდი ადამიანი დაშავდა და ერთი დაიღუპა.