წყნარ ოკეანეში აშშ-ის ძალებმა კიდევ ერთ ნავს დაარტყეს, დაღუპული 4 ადამიანი - ამერიკელების მტკიცებით, მას ნარკოტიკები გადაჰქონდა
“წყნარ ოკეანის აღმოსავლეთით, საერთაშორისო წყლებში სავარაუდო ნარკოტიკების გადამზიდ ნავზე მორიგი დარტყმა განხორციელდა, დაღუპულია 4 ადამიანი“, - განაცხადეს ოთხშაბათს, აშშ - ს თავდაცვის უწყების წარმომადგენლებმა.
“სადაზვერვო მონაცემებმა დაადასტურა, რომ გემი გადაადგილდებოდა აღმოსავლეთ წყნარ ოკეანეში ცნობილ ნარკო ტრეფიკინგის მარშრუტზე და ჩართული იყო ნარკო ტრეფიკინგის ოპერაციებში“, - ნათქვამია ოფიციალურ განცხადებაში.
სამხრეთის სარდლობის მიერ გავრცელებულ ვიდეოკადრებში ჩანს, როგორ ხვდება რაკეტა ნავს, რის შემდეგაც ის ცეცხლში ეხვევა და კვამლის უზარმაზარი ღრუბლები ამოდის.
ეს შეტევა ბოლოა იმ ორ ათეულზე მეტ ამერიკულ იერიშს შორის, რომლებიც ბოლო თვეებში აღმოსავლეთ წყნარ ოკეანესა და კარიბის ზღვის რეგიონში ეჭვმიტანილ ნარკოტიკების გადამზიდავ ნავებზე განხორციელდა, რის შედეგად 90-ზე მეტი ადამიანი დაიღუპა. თავად ტრამპის ადმინისტრაცია ამ დარტყმებს ნარკოტიკების, მათ შორის ფენტანილის ნაკადის შეზღუდვის ეფექტიან საშუალებად მიიჩნევს.