"მშობლებმა ბელას შესთავაზეს, რომ შვილისთვის თავისი ადვოკატის, მალხაზ სალაყაიას სახელი დაერქმია" - რას წერს მედია საქართველოს ციხიდან გათავისუფლებულ ქალზე

19 წლის ბელა მეი ქალიმ, საქართველოს ციხიდან გათავისუფლების შემდეგ შვილი გააჩინა. მან TikTok-ზე განაცხადა, რომ 24 ნოემბერს ბიჭი შეეძინა.

• მისმა მშობლებმა წარმატებით შეაგროვეს თითქმის 140 000 ფუნტი სტერლინგი სასამართლო ხარჯების დასაფარად, პროკურორებთან საპროცესო შეთანხმების შემდეგ, რამაც მას დიდ ბრიტანეთში დაბრუნების საშუალება მისცა.

ციხეში რთული საწყისი პერიოდის შემდეგ, იგი დედათა და ბავშვთა სპეციალურ განყოფილებაში გადაიყვანეს. ქალიშვილის გათავისუფლების შემდეგ, მშობლებმა ბელას შესთავაზეს, რომ შვილისთვის თავისი ადვოკატის, მალხაზ სალაყაიას სახელი დაერქმია.

ცნობისთვის, ბელა მეი კალი თბილისის აეროპორტში, 10 მაისს დააკავეს. შემოწმებისას, მის სამგზავრო ჩანთაში, 12 კილოგრამამდე "მარიხუანა" და 2 კილოგრამი "ჰაშიში" აღმოაჩინეს.

ისინი ჰერმეტულად დაფასოებულ პაკეტებში იყო გადანაწილებული. გამოძიება სისხლის სამართლის კოდექსის 262-ე მუხლის 4-ე ნაწილის "ა“ ქვეპუნქტით, 260-ე მუხლის მე-3 ნაწილის "ა“ ქვეპუნქტით და 273 პრიმა მუხლის მე-6 ნაწილით მიმდინარეობდა, რაც 20 წლამდე ან უვადო პატიმრობას გულისხმობს.

წყარო

წაიკითხეთ ასევე:

• "ბელა ცდილობს, ქართული ციხის კოშმარული დღეები დაივიწყოს, როცა მაკარონს ჩაიდანში ხარშავდა... ბიჭუნას ელოდება, ის აზიაში მოგზაურობის დროს დაორსულდა" - რას წერს The Sun