მოკლული მასწავლებლის, გიგა ავალიანის ოჯახის წევრები გენერალურ პროკურატურასთან აქციას მართავენ
მოკლული მასწავლებლის გიგა ავალიანის ოჯახის წევრები გენერალურ პროკურატურასთან აქციას მართავენ.
- ადგილზე იმყოფებიან გიგა ავალიანის ოჯახის წევრები და ნაცნობები, ასევე, მიმდინარე აქციების ფარგლებში დაკავებულების ოჯახის წევრები.
ისინი მოკლული მასწავლებლის გიგა ავალიანის საქმის ობიექტურად გამოძიებასა და დანაშაულში მონაწილე ყველა პირის დასჯას ითხოვენ.
ცნობისთვის, გიგა ავალიანის გარდაცვალების საქმეზე სამართალდამცავებმა ჯამში 4 პირი დააკავეს. მათგან ალექსანდრე გაბაშვილს საქართველოს სისხლის სამართლის კოდექსის 117-ე მუხლის მე-2 ნაწილით წარედგინა ბრალდება, რაც ჯანმრთელობის განზრახ მძიმე დაზიანებას გულისხმობს, რამაც გამოიწვია სიცოცხლის მოსპობა, ხოლო გიორგი რიკაძეს და კიდევ ორ არასრულწლოვანს ბრალდება სისხლის სამართლის კოდექსის 376-ე მუხლის პირველი ნაწილით წარედგინათ, რაც დანაშაულის შეუტყობინებლობას გულისხმობს იმის მიერ, ვინც ნამდვილად იცის, რომ მზადდება და ჩადენილია მძიმე დანაშაული.