"ჩვენს დიდ ოჯახს გამორჩეული წევრი გამოაკლდა... მისი კეთილშობილება, სიბრძნე, დახვეწილობა ყველას აჯადოებდა" - "ნაციონალური ბალეტი" ინგა თევზაძის გარდაცვალებას ეხმაურება

84 წლის ასაკში გარდაიცვალა "სუხიშვილების" ოქროს თაობის მოცეკვავე, საქართველოს სახალხო არტისტი, თენგიზ სუხიშვილის მეუღლე ინგა თევზაძე. ამის თაობაზე წერს "ქართული ნაციონალური ბალეტის" ოფიციალური "ფეისბუქგვერდი".

"ჩვენს დიდ ოჯახს გამორჩეული წევრი გამოაკლდა - საქართველოს სახალხო არტისტი, ანსამბლის ბალეტმაისტერი - ქალბატონი ინგა თევზაძე. ინგა თევზაძის სილამაზე მხოლოდ მის გარეგნობაში არ გამოიხატებოდა: მისი კეთილშობილება, სიბრძნე, დახვეწილობა ყველას აჯადოებდა. ასეთი ადამიანები უხმაუროდ ტოვებენ დიდ კვალს და რჩებიან ჩვენს გულებში, მეხსიერებაში და ანსამბლის ისტორიაში.ვუსამძიმრებთ ნინო და ილიკო სუხიშვილებს დედის გარდაცვალების გამო; ასევე ახლობლებს და მის მთავარ ოჯახს - ქართულ ნაციონალურ ბალეტს. ნათელში იყოს მისი სული.

პანაშვიდი: 25 და 26 დეკემბერი, 17:00სთ-დან

დაკრძალვა: შაბათს, 27 დეკემბერს 14:00სთ

მისამართი: ი. აბაშიძის ქუჩა 21", - ვკითხულობთ განცხადებაში.

იხილეთ ასევე:

• გარდაიცვალა "სუხიშვილების" ოქროს თაობის მოცეკვავე ინგა თევზაძე