"დილის 5 საათზე დამეწყო ტკივილები... მეგონა, ამასაც დაჩქარებით გავაჩენდი" - ნუკი კოშკელიშვილი მეორე შვილის დედა გახდა: ფოტოები ამერიკის სამშობიაროდან
ცნობილი ტელეწამყვანი და მოდელი, ნუკი კოშკელიშვილი ყოველთვის გამოირჩეოდა გულახდილობით. ის სოციალურ ქსელებში გამომწერებს თითქმის ყოველ დღე უზიარებს დეტალებს ცხოვრებიდან. ნუკი, ფაქტობრივად, ორ ქვეყანაში ცხოვრობს - საქართველოში და ამერიკაში. ის რამდენიმე თვეს ამერიკაში ატარებს, შემდეგ კი შვილთან ერთად საქართველოში ბრუნდება. მისი ამერიკელი მეუღლე, ბენი, ასევე ხშირად სტუმრობს ცოლის სამშობლოს.
ამჟამად მორიგი სასიამოვნო სიახლეა წყვილი ცხოვრებაში. ნუკი და ბენი მეორე შვილის მშობლები გახდნენ, რომელსაც შიო დაარქვეს. მათ პირველი შვილიც ბიჭი ჰყავთ.
ნუკიმ ამერიკაში იმშობიარა. ტელეწამყვანი სამშობიაროდან ფოტოებს გვიზიარებს და წერს:
"დილის 5 საათზე დამეწყო ტკივილები, არ მოგატყუებთ, მეგონა ამასაც წინა ორსულობის მსგავსად დაჩქარებით გავაჩენდი. ვითმინე გათენებამდე, გამთენიისას ბენსაც გავაგებინე და დავიწყეთ ათვლა. ამერიკაში რეკომენდაცია მიხვიდე სამშობიაროში თუ.. ა) დაღვარე წყლები, ბ) გაქვს 5 წუთში ერთხელ ტკივილები ერთი საათის განმავლობაში, გ) ტკივილი გაქვს ისეთი რომ საუბარი გიჭირს.
რომ გათენდა ბენი გავუშვი სამსახურში უცბად გადავივლე, თმა დავივარცხნე, მაკიაჟი გავიკეთე და ვეცი შეკვეთებს, რომ ჩამორჩენა და დაგვიანება არ გვქონოდა. ბოლო შეკვეთებზე უკვე ვყმუოდი და ბენს დავურეკე, მალევე მოვიდა და წავედით.უცნაურია კვდები ტკივილისგან და დარდობ ხომ არ წამოიყვანე ქმარი ტყუილად სამსახურიდან, ტყუილად ხომ არ მოვედი სამშობიაროში ამდენი ადამიანი შევაწუხე, თუ მარტო მე მჭირს ეს.
გასინჯვის მერე დამიდასტურეს კიდევ კაი მოხვედიო.. მოვედი და დავრჩი. ეპედურალურ გაყუჩებას მე დიდ რეკომენდაციას ვუწევ, მას მერე რაც გავყუჩდი დაიწყო არხეინად გართობა, ვიცინეთ კიდეც, ვიხუმრე კიდეც და ბოლოს შიოც გავიცანით. ვლოგს ვიღებ და სახლში რომ მივალ აუცილებლად დავდებ ამ დღეებში, ახლა კვლავ სამშობიაროში ვარ, ბენს სძინავს, შიო ჭამს, მე კიდევ ორი წუთი მოვნახე რომ მოგაყაროთ ფოტოები. ყველას დიდი მადლობა მოლოცვისთვის და გულშემატკივრობისთვის" - წერს ნუკი.