ქართული ახალი წელი 8 მილიონად: ღონისძიებებში მონაწილეთა სრული სია - ვინ რამდენს მიიღებს ჰონორარის სახით თბილისსა და ბათუმში?

2025 წლის მიწურულს საქართველო განსაკუთრებულად ხმაურიანი და ძვირადღირებული საახალწლო ღონისძიებებისთვის ემზადება. თბილისის მერიამ უკვე გაასაჯაროვა გეგმები, რომლის მიხედვითაც დედაქალაქში "საახალწლო ქალაქი" 2025 წლის 12 დეკემბრიდან 2026 წლის 14 იანვრის ჩათვლით უმასპინძლებს სტუმრებს.

საახალწლო ატმოსფეროს შესაქმნელად ბიუჯეტიდან, ჯამში, 8 280 000 ლარი დაიხარჯება.

• რა დაჯდება თბილისური ახალი წელი?

მერიის მიერ გამოყოფილი სოლიდური თანხა რამდენიმე ძირითად მიმართულებაზე ნაწილდება:

საახალწლო სოფლის მოწყობა და ყინულის მოედანი: ერთ-ერთი ყველაზე ძვირადღირებული კომპონენტი, რომლის მონტაჟი და ექსპლუატაცია სპეციალურ ბიუჯეტს მოითხოვს. უშუალოდ კონცერტები: 1 000 000 ლარზე მეტი;საორგანიზაციო ხარჯები: 49 072 ლარი;მოძრავი ორკესტრი, მეცეცხლები და ელექტრონული შოუები: 349 372 ლარი.

• რომელია ყველაზე მაღალანაზღაურებადი ბენდები?

წელს ჰონორარების მხრივ რეკორდსმენი ჯგუფი "ურსა“ გახდა, რომელიც ბიუჯეტიდან 30 000 ლარს მიიღებს. მათ არც ისე ბევრით ჩამორჩება "ღამის შოუს“ ბენდი - 26 021 ლარით.

• ბენდებისა და ანსამბლების ჰონორარები:

ზვიად ბოლქვაძის ბენდი - 23 420 ლარი"

რეზო და ბავშვები“ - 20 000 ლარი

"კახაბერი და ხანუმები“ - 20 000 ლარი

ჯგუფი "ქუჩის ბიჭები“, "

New One“, "Goofy Land“, "სინთეზი“ — 15 000 ლარი (თითოეულს).

• 75 მომღერლის "სტანდარტული" ჰონორარი

2 და 6 იანვარს თბილისში დაგეგმილია მასშტაბური კონცერტები, სადაც 75 სოლო შემსრულებელი მიიღებს მონაწილეობას. თითოეული მათგანის ანაზღაურება 1952 ლარით განისაზღვრა.

• ვინ იქნებიან წამყვანები?

2 იანვრის საღამოს ეკო ფანგანი და ნიკოლოზ წულუკიძე გაუძღვებიან, ხოლო 6 იანვარს სცენაზე თამუნა გომართელს, გოდერძი შარაშიასა და სალომე შარვაძეს ვიხილავთ. თითოეული წამყვანის ჰონორარი 3253 ლარია.

• რა მოხდება ბათუმში?

ზღვისპირა ქალაქი არ აპირებს დედაქალაქს ჩამორჩეს. ბათუმის კულტურის ცენტრი საახალწლო ღონისძიებებისთვის 428 000 ლარს დახარჯავს. ნაძვის ხე 20 დეკემბერს აინთო, კონცერტები კი 7 იანვრამდე გაგრძელდება.

ბათუმის პროგრამაში განსაკუთრებულ ყურადღებას იპყრობს თამარ გვერდწითელი. ასევე, ზღვისპირეთში იმღერებენ ნატო მეტონიძე, გიორგი სუხიტაშვილი, ლაშა ღლონტი და ანსამბლები: "შვიდკაცა“, "ალილო“ და "თეატრალური კვარტეტი“. ბათუმში სულ 96 შემსრულებელი და ჯგუფი წარდგება მაყურებლის წინაშე.

• სოლო შემსრულებლების სრული სია (თბილისი, 2 და 6 იანვარი):

თემურ თათარაშვილი, ელენე ფოჩხუა, ნუკრი კაპანაძე, დათუნა მგელაძე, თიკა ჯამბურია, ბესო კალანდაძე, ნინი ბადურაშვილი, ლადო ჯანელიძე, ნათია პერანიძე, ოთო ნემსაძე, ნინი ქარსელაძე, მარიკა თხელიძე, მარიამ მამისმედაშვილი, კახა კუხიანიძე, აჩიკო მეფარიძე, ხათუნა ჟორდანია, მაია ჯაბუა, ეკა კახიანი, თამუნა ამონაშვილი, სოფო ბედია, გელა დონაძე, ანუკა ცქვიტინიძე, თამთა ჭელიძე, ცისანა სეფიაშვილი, ჯემალ სეფიაშვილი, გია ნიკოლაძე, გიორგი პავლიაშვილი (“მასტერი”), ლევან მგალობლიშვილი (“პანჩო”), ქეთი გომართელი, ცირა კობიაშვილი, გიორგი კელაპტრიშვილი, თაკო გაჩეჩილაძე, ნუკა კვალიაშვილი, გიორგი მეფისაშვილი, ანი ბახტაძე, რუსუდან მუმლაძე, სალომე ბაკურაძე, ქრისტინე იმედაძე, მიხეილ სულუხია, სოფო ხალვაში, მანანა თოდაძე, ლილიკო ნემსაძე, ნათია დევდარიანი, თათია დევდარიანი, მარიტა როხვაძე, შოთიკო ტატიშვილი, ეკა კვალიაშვილი, მირზა მოდებაძე, ანა უზნაძე, თემო საჯაია, არჩილ ცანკაშვილი, მაგდა ნიკოლეიშვილი, გიორგი წიკლაური, თიკა მახალდიანი, ლევან ყანდიაშვილი (ნოა), სოფო პაპუაშვილი, ნიკუშა ცერცვაძე, ნუცა ქირია, ნინუცა ბედიაშვილი, გიორგი ელიზბარაშვილი, მერაბ ვარდოსანიძე, მარიკა ქაცარავა, თაკო მელიქიშვილი, კოტიკო ყიფიანი, ლიკა დოლიძე, ირინა ბაირამაშვილი, თამარ მეჭიაური, თეონა ჯგერნაია, ბოკა კვეკვესკირი, ენრიკო ჯანელიძე, ბესო ბერულაშვილი, მაკა ზამბახიძე, რატი დურგლიშვილი, ტატო გოდერძიშვილი, მაია ყარყარაშვილი.

5205-5205-ლარიან ჰონორარს მიიღებენ: "თბილისური კვარტეტი“ და ანსამბლი "ქსოვრელები“, ხოლო 3904 ლარს - დუეტი "ლეონი“.

თბილისის მერიის მიერ დაგეგმილი ღონისძიებები 14 იანვარს, ძველით ახალ წელს, გრანდიოზული დასკვნითი ღონისძიებით დასრულდება.