“მიხეილ სააკაშვილის დროს სამხრეთ ოსეთი სახელმწიფო ტერორიზმის პირობებში იმყოფებოდა“ - ოკუპირებული ცხინვალის ე.წ. საგარეო საქმეთა მინისტრი
“მიხეილ სააკაშვილის პრეზიდენტობის დროს სამხრეთ ოსეთი საქართველოს მხრიდან სახელმწიფო ტერორიზმს განიცდიდა,“ - ამის შესახებ ოკუპირებული ცხინვალის ე.წ. საგარეო საქმეთა მინისტრმა, ახსარ ჯიოევმა რუსულ მედიასთან ინტერვიუში განაცხადა.
მისი მტკიცებით, სააკაშვილის მმართველობის დროს საქართველო ე.წ. „რესპუბლიკაზე“ უზარმაზარ ზეწოლას ახდენდა.
რუსული მედიის თანახმად, ამ პოლიტიკის მაგალითად მან საქართველოს ხელისუფლების მიერ დროებითი ადმინისტრაციის შექმნა დაასახელა.
„ქვეყანა, ფაქტობრივად, სახელმწიფო ტერორიზმის პირობებში იმყოფებოდა, რომელსაც საქართველო ახორციელებდა“, - განაცხადა ჯიოევმა.