"ამ წუთებში კარაკასს ბომბავენ... მსოფლიოს შეატყობინეთ, რომ ვენესეულას თავს დაესხნენ" - მორიგი ცხელი წერტილი მსოფლიოში: დეტალები

ვენესუელას დედაქალაქში აფეთქებების ხმა ისმის, - ინფორმაციას Reuters-ი ავრცელებს. გამოცემის ცნობით, ვენესუელას დედაქალაქ კარაკასში, სულ მცირე, შვიდი აფეთქება მოხდა.

• თვითმხილველებმა კარაკასის თავზე რამდენიმე ვერტმფრენი დააფიქსირეს.

აფეთქებების შემდეგ ქალაქის სამხრეთში მდებარე სამხედრო ბაზის მახლობლად ელექტროენერგია გაითიშა. სოციალურ ქსელებში გავრცელებული ინფორმაციის თანახმად, კარაკასის თავზე აშშ-ის არმიის ვერტმფრენები დაფრინავენ.

კოლუმბიის პრეზიდენტი, გუსტავო პეტრო X-ზე წერს:

"ამ წუთებში კარაკასს ბომბავენ. მსოფლიოს შეატყობინეთ, რომ ვენესეულას თავს დაესხნენ. დაბომბვა რაკეტებით ხორციელდება“, - წერს პეტრო.

მისი თქმით, ამერიკის სახელმწიფოთა ორგანიზაციამ და გაერო-მ საგანგებო სხდომები ახლავე უნდა გამართონ.

CNN-ის ცნობით, ვენესუელას დედაქალაქში პირველი დარტყმა ადგილობრივი დროით დაახლოებით 1:50 საათზე განხორციელდა. მედიაში გავრცელებული ინფორმაციით, კარაკასში, სულ მცირე, შვიდი აფეთქება მოხდა.

წაიკითხეთ ასევე:

• ცნობილი გახდა, რომ ვენესუელაზე დარტყმების ბრძანება ტრამპმა გასცა - რას წერს მედია ამერიკელ მაღალჩინოსნებზე დაყრდნობით