"ვენესუელის წინააღმდეგ აშშ-ის აგრესიის საბაბი უსაფუძვლოა" - რუსეთის საგარეო უწყება

ვენესუელის წინააღმდეგ აშშ-ის აგრესიის საბაბი უსაფუძვლოა, - ამის შესახებ განცხადებას რუსეთის საგარეო საქმეთა სამინისტრო ავრცელებს.

• „მსგავსი ქმედების გამართლებისთვის გამოყენებული საბაბი უსაფუძვლოა. იდეოლოგიურმა მტრობამ საქმიან პრაგმატიზმსა და პროგნოზირებადი ურთიერთობების დამყარების სურვილს სძლია“, - აცხადებს რუსეთის საგარეო უწყება.

რუსეთის საგარეო უწყების განცხადებაში აღნიშნულია, რომ „ვენესუელას გარე ჩარევის გარეშე საკუთარი ბედის განსაზღვრის უფლება უნდა ჰქონდეს“.

„ლათინური ამერიკა მშვიდობის ზონად უნდა დარჩეს. ვენესუელას გარანტირებული უფლება უნდა ჰქონდეს, რომ საკუთარი ბედი თავად განსაზღვროს, ყოველგვარი დესტრუქციული, მით უმეტეს სამხედრო ჩარევის გარეშე“, - ნათქვამია განცხადებაში.

წაიკითხეთ ასევე:

• ტრამპი უტევს ქვეყანას, რომელმაც თავის დროზე აფხაზეთისა და ცხინვალის "დამოუკიდებლობა" აღიარა - ვინ იქნება ვენესუელის მხარეს და რა შეიძლება მოხდეს