ბათუმის აეროპორტში, უამინდობის გამო, რამდენიმე მიმართულებით ფრენები ვერ სრულდება
ბათუმის საერთაშორისო აეროპორტში ექვსი მიმართულებით ფრენები ვერ სრულდება. აეროპორტში მგზავრები დილიდან იმყოფებიან და გამგზავრებას ელოდებიან.
- როგორც “ინტერპრესნიუსთან” ბათუმის საერთაშორისო აეროპორტში განაცხადეს, ავიამიმოსვლას ქარი აფერხებს.
მათივე ინფორმაციით, ბათუმის საერთაშორისო აეროპორტში დღეს ფრენა თურქეთისა და თელ-ავავის მიმართულებით უნდა შესრულებულიყო.