ირანის უზენაესი ლიდერის გეგმა B: ხამენეი მოსკოვში გაქცევას აპირებს? - რას წერს Times

ირანის უზენაეს ლიდერს, აიათოლა ალი ხამენეის, სარეზერვო გეგმა აქვს - იმ შემთხვევაში, თუ ხელისუფლება ქვეყანაში მზარდი პროტესტის ჩახშობას ვერ შეძლებს, ხამენეი რუსეთში გაქცევას აპირებს.

• ამის შესახებ ბრიტანული გამოცემა The Times ბრიტანული დაზვერვის ანგარიშზე დაყრდნობით წერს.

დოკუმენტის თანახმად, 86 წლის ხამენეი აპირებს თეირანის დატოვებას და მოსკოვში წასვლას, ოჯახის დაახლოებით 20 წევრთან ერთად, თუ დაინახავს, რომ არმია და უსაფრთხოების ძალები მომიტინგეებს უჭერენ მხარს.

გეგმა ასევე ითვალისწინებს "უსაფრთხო გამგზავრების უზრუნველსაყოფად საზღვარგარეთ აქტივების, უძრავი ქონების შეძენას".

• "გეგმა B განკუთვნილია ხამენეისა და მისი ახლო წრისთვის, მათ შორის მისი ვაჟისთვის და სავარაუდო მემკვიდრე მოჯტაპასთვის“, - ამბობს წყაროThe Times-სთან.

ისრაელის დაზვერვის ყოფილი ოფიცერი ბენი საბტი გამოცემასთან ამბობს, რომ "ხამენეისთვის გასაქცევად მოსკოვი ერთადერთი უსაფრთხო ადგილია" გარდა ამისა, საბტის თქმით, აიათოლა აღფრთოვანებულია ვლადიმერ პუტინით.

ცნობისთვის, რამდენიმე დღეა ირანში საპროტესტო აქციები მიმდინარეობს. აქციებს მოჰყვა შეტაკებები სამთავრობო ძალებთან. ბოლო მონაცემებით, დაღუპულია 35 და დაკავებულია 1200-ზე მეტი ადამიანი.

• ირანში მიმდინარე დემონსტრაციების შესახებ დეტალურ ინფორმაციას გაეცანით ბმულზე:
• რა ხდება ირანში, სადაც მასობრივი საპროტესტო აქციები მიმდინარეობს (ფოტოები)