რატომ ვანთებთ შობის ღამეს ფანჯრებში სანთლებს?

უკვე რამდენიმე წელია, 6 იანვრის ღამეს, შობის მოლოდინში, ქართველი მორწმუნეები ფანჯრებში ანთებულ სანთელს დგამენ.

ეს ტრადიცია 2000 წლიდან, სრულიად საქართველოს კათოლიკოს-პატრიარქის, უწმინდესი და უნეტარესი ილია მეორის ლოცვა-კურთხევით დამკვიდრდა.

ღამით ყველა სარკმელთან თითო სანთელი ინთება და მიიჩნევა, რომ ეს ერთგვარი სიმბოლოა - ამ გზით საქართველოში მცხოვრები მართლმადიდებლები მათ ოჯახებსა და სულებში მაცხოვრის დაბადებას და შემოსვლას გამოხატავენ.

ერთ-ერთი ქადაგებისას კათალიკოს პატრიარქმა ილია მეორემ ბრძანა:

"დაე, ჩვენც, ანთებული სანთლებით, რწმენით მივეახლოთ ახლად შობილ ყრმას და ოქროს, გუნდრუკისა და მურის ნაცვლად, მივართვათ მონანული, მოსიყვარულე და მადლიერებით სავსე გული, რათა ჩვენშიც იშვას ყრმა ახალი, პირველ საუკუნეთა ღმერთი!“

• იხილეთ ასევე:

რატომ აღვნიშნავთ მაცხოვრის შობას ჩვენ 7 იანვარს, დასავლურ-ქრისტიანული სამყარო კი - 25 დეკემბერს?