“გრენლანდიაზე კონტროლის მოპოვება აშშ-ის ეროვნული უსაფრთხოების პრიორიტეტია“ - თეთრი სახლის განცხადებით, სამხედრო ძალის გამოყენება გამორიცხული არ არის

“აშშ გრენლანდიაზე კონტროლის მოპოვების ვარიანტებს განიხილავს - სამხედრო ძალის გამოყენება გამორიცხული არ არის“, - ამის შესახებ განცხადებას თეთრი სახლი ავრცელებს.

• თეთრი სახლის პრესსპიკერის, კეროლაინ ლევიტის ცნობით, აშშ-ის პრეზიდენტის, დონალდ ტრამპის ადმინისტრაცია „მნიშვნელოვანი საგარეო პოლიტიკური მიზნის მისაღწევად სხვადასხვა ვარიანტებს განიხილავს“.

"პრეზიდენტმა ტრამპმა ნათლად განაცხადა, რომ გრენლანდიაზე კონტროლის მოპოვება აშშ-ის ეროვნული უსაფრთხოების პრიორიტეტია და ამას არქტიკის რეგიონში ჩვენი მოწინააღმდეგეების შეკავებისთვის კრიტიკული მნიშვნელობა აქვს. პრეზიდენტი და მისი გუნდი განიხილავენ ამ მნიშვნელოვანი საგარეო პოლიტიკური მიზნის მისაღწევად ვარიანტების ფართო სპექტრს და, რა თქმა უნდა, აშშ-ის სამხედრო ძალების გამოყენება ყოველთვის არის მთავარი მეთაურის განკარგულებაში არსებული ვარიანტი“, - განაცხადა თეთრი სახლის პრესმდივანმა კაროლაინ ლივიტმა CNN-თან.

ამასთან, CNN-ი წყაროებზე დაყრდნობით წერს, რომ აშშ-ის სახელმწიფო მდივანმა, მარკო რუბიომ ამერიკელ კონგრესმენებთან დახურულ შეხვედრაზე განაცხადა, რომ ამერიკის შეერთებული შტატები გრენლანდიის შეძენას გეგმავს.

იხილეთ ასევე:

• გრენლანდია - ისევ ტრამპის სამიზნე: რას მალავს ყინულით დაფარული, ესკიმოსთა მიწა და რა შეიძლება ღირდეს მსოფლიოს უდიდესი კუნძული?