ფეხსაცმელები ვენსსა და რუბიოს "მამიკო ტრამპისგან" - რატომ აჩუქა დიდი ზომის ფეხსაცმელები მათ პრეზიდენტმა? - "მარკომ მის ჩაცმაზე უარი მაინც არ თქვა"
რამდენიმე დღის წინ აშშ-ის პრეზიდენტმა დონალდ ტრამპმა "ნიუ იორკ თაიმსს" ინტერვიუ მისცა. ინტერვიუ თეთრ სახლში ჩაწერეს. ჟურნალისტებს ერთი საინტერესო დეტალი არ გამოჰპარვიათ - როგორც NYT წერს, ტრამპი ოთახში მყოფებს, თანაშემწეებს, მრჩევლებს მამის ფიგურის ტონით მიმართავდა.
- ვიცე პრეზიდენტი ჯეი დი ვენსი და სახელმწიფო მდივანი მარკო რუბიო ბავშვებად მოიხსენია. გარდა ამისა, ამ ინტერვიუს დროს ცნობილი გახდა, რომ საახალწლოდ ტრამპმა როგორც რუბიოს, ასევე ვენსს ფეხსაცმელი აჩუქა.
სწორედ ტრამპის მიერ ნაჩუქარი ფეხსაცმელები ეცვა, ორივე მათგანს მაშინ როცა თეთრ სახლს NYT-ის ჟურნალისტები ეწვივნენ.
თუმცა კიდევ ერთი დეტალი - ჟურნალისტებს არ გამოჰპარვიათ, რომ ეს ფეხსაცმელი ძალიან დიდი ზომის იყო - განსაკუთრებით კი რუბიოსთვის, მიუხედავად ამისა, მარკომ მის ჩაცმაზე უარი მაინც არ თქვა.
- "ვენსმა ფეხიც კი ასწია ჰაერში, რათა პრეზიდენტისთვის ეჩვენებინა, რომ მისი ნაჩუქარი ფეხსაცმელი ეცვა", - წერს გამოცემა.
ვენსსაც და რუბიოსაც ტრამპმა ოთხი წყვილი შავი ფეხსაცმელი აჩუქა.
სხვათაშორის, ვიცე-პრეზიდენტმა, ჯეი დი ვენსმა გასულ თვეში საჯაროდ თქვა, რომ ტრამპმა მისი და რუბიოს ფეხსაცმელების კრიტიკის მიზნით, "ძალიან მნიშვნელოვანი შეხვედრა შეაჩერა".
"არა, არა, ერთი წამით მოიცადეთ, აქ გაცილებით მნიშვნელოვანი რამ არის - ფეხსაცმელი", - თქვა პრეზიდენტმა შეხვედრისას", - იხსენებს ჯეი დი ვენსი. ვიცე პროზიდენტის თქმით, შემდეგ ტრამპმა როგორც მას, ასევე რუბიოს ფეხის ზომა ჰკითხა. ფეხის ზომის გაგების შემდეგ კი ტრამპმა თქვა, რომ - "ფეხის ზომით ადამიანის შესახებ ბევრი რამის თქმა შეიძლება".
როგორც ჩანს, აშშ-ის პრეზიდენტს არ მოეწონა რუბიოსა და ვენსის ფეხის ზომა და საჩუქრად დიდი ზომის ფეხსაცმელი აჩუქა.