4 დაღუპული და 6 დაშავებული - რუსებმა უკრაინას ბალისტიკური რაკეტებით და დრონებით შეუტია
რუსეთმა უკრაინას ბალისტიკური იარაღითა და თავდასხმის დრონებით შეუტია, რამდენიმე რეგიონში საჰაერო თავდასხმის მაუწყებელი განგაში ამოქმედდა,- ინფორმაციას უკრაინული მედია ავრცელებს.
კიევსა და ხარკოვში აფეთქებების ხმები ისმოდა. ამ დროისთვის არსებული მონაცემებით, 4 ადამიანი დაიღუპა და 6 დაშავდა.
„ხარკოვის გარეუბანზე მტრის დარტყმის შედეგად დაღუპულთა რიცხვი ოთხს მიაღწია. ასევე, სხვადასხვა ხარისხის დაზიანებები მიიღო ექვსმა ადამიანმა”, - განაცხადა ხარკოვის მერმა.
მასირებული ბალისტიკური დაბომბვა განახორციელა უკრაინის შემდეგ ქალაქებზე:
- კიევი და ოლქი - ბალისტიკური რაკეტებით იერიშის შემდეგ ირპენში, ბუჩასა და ჰოსტომელში ელექტროენერგიასთან დაკავშირებული პრობლემები ფიქსირდება.
- ხარკოვი - ხარკოვის შემოგარენზე შეტევის შედეგად დაიღუპა 4 ადამიანი, დაშავდა 6. განადგურდა „ნოვა პოშტის“ ტერმინალი, დაზიანდა ბავშვთა სანატორიუმი.
- ოდესა - ქალაქის ცენტრში დაზიანდა საცხოვრებელი სახლები, საავადმყოფო, საბავშვო ბაღი და სკოლა. დაშავდა ხუთი ადამიანი.
- დნეპროპეტროვსკის ოლქი - რუსეთმა დრონებით და ბალისტიკური რაკეტებით იერიში მიიტანა კრივოი როგის თბოელექტროსადგურზე.
გავრცელებული ინფორმაციით, ხარკოვზე თავდასხმის შედეგად Nova Poshta-ს ტერმინალი დაზიანდა.
ირპენი, ბუჩა და გოსტომელი აფეთქებების შემდეგ თითქმის სრულად ელექტროენერგიის გარეშე დარჩა. არსებობს პრობლემები წყალმომარაგებასთან დაკავშირებით.
უკრაინის შეიარაღებული ძალების საჰაერო ძალების ცნობით, რუსებმა კიევის მიმართულებით ბალისტიკური რაკეტები გაუშვეს. მოგვიანებით, ქალაქში ძლიერი აფეთქებების ხმები გაისმა.