რუსებმა კრივი-რიჰი დაბომბეს, 45 000-ზე მეტი აბონენტი ელექტროენერგიის გარეშე დარჩა

რუსულმა ძალებმა უკრაინის ქალაქ კრივი-რიჰში ინფრასტრუქტურის ობიექტებზე დრონებით თავდასხმა განახორციელეს, რის შედეგადაც 45 000-ზე მეტი აბონენტი ელექტროენერგიის გარეშე დარჩა.

არსებული ინფორმაციით, დაშავებულები არ არიან.

ინფორმაციას უკრაინული მედია კრივი-რიჰის თავდაცვის საბჭოს ხელმძღვანელზე ოლექსანდრ ვილკულზე დაყრდნობით ავრცელებს.

“45 000-ზე მეტ მომხმარებელს ელექტროენერგია არ მიეწოდება, ხოლო 700-ზე მეტ სახლს გათბობა გაეთიშა“,- აღნიშნა ვილკულმა.

მან მოსახლეობას წყლის, პურის მომარაგება ურჩია და მოუწოდა შეძლებისდაგვარად დატენონ გაჯეტები.