ნისლი, დიდთოვლობა, ქარბუქი და ზვავსაშიშროება - რა მდგომარეობაა საქართველოს საავტომობილო გზებზე: ცალკეულ მონაკვეთებზე შეზღუდვები დაწესდა, ნაწილზე კი მოიხსნა
გარემოს ეროვნულმა სააგენტოს პროგნოზით, საქართველოში უახლეს დღეებში ამინდის გაუარესებაა მოსალოდნელი.
დღეს, 14 იანვარს ქვეყნის უმეტეს ტერიტორიაზე თოვლი მოვიდა. ძლიერ ნალექს თან ახლავს დასავლეთის ძლიერი ქარი, ასევე მოსალოდნელია 4-5-ბალიანი შტორმი ზღვაზე.
-
ნისლის, დიდთოვლობის, ქარბუქის, ხილვადობის გაუარესების, ლიპყინულის და ზვავსაშიშროების გამო საავტომობილო გზების ცალკეულ მონაკვეთებზე შეზღუდვები დაწესდა, ნაწილზე კი მოიხსნა.
საავტომობილო გზების დეპარტამენტის ინფორმაციით საერთაშორისო მნიშვნელობის თბილისი-სენაკი-ლესელიძის საავტომობილო გზის კმ97-კმ162 (რუისის სატრანსპორტო კვანძი-ბორითის სატრანსპორტო კვანძი) მონაკვეთზე, მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია.
ხოლო საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.
- ინტენსიური თოვის გამო, შეზღუდვა დაწესდა ვერონა-თელავის გზის მონაკვეთზე.
“შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზის კმ36-კმ64 (ვერონა-თელავი) მონაკვეთზე, დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება შეზღუდულია.
საავტომობილო გზის დანარჩენ მონაკვეთზე ავტოტრანსპორტის მოძრაობა თავისუფალია,“ - ავრცელებს დეპარტამენტი.
რაც შეეხება გომი-საჩხერე-ჭიათურა-ზესტაფონის საავტომობილო გზას, კმ1-კმ106 მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა.
-
განახლება 13:04
საავტომობილო გზების დეპარტამენტის ინფორმაციით, მცხეთა–სტეფანწმინდა–ლარსის საავტომობილო გზის კმ93-კმ107 (გუდაური(ფოსტა)–კობის) მონაკვეთზე ზვავსაშიშროების საფრთხის დონე მაღალია, რის გამოც აღნიშნულ მონაკვეთზე შეზღუდულია ყველა სახის ავტოტრანსპორტის მოძრაობა.
“უსაფრთხოების მიზნით, ამ მონაკვეთზე აკრძალულია გზის გაწმენდითი სამუშაოების წარმოებაც. გარემოს ეროვნული სააგენტოს მიერ, ზვავსაშიშროების მოხსნისთანავე დაიწყება წმენდის სამუშაოები და უმოკლეს ვადებში აღდგება ავტოტრანსპორტის მოძრაობა.
რაც შეეხება სხვა მიმართულებებს, ყველა ცენტრალურ მაგისტრალზე ავტოტრანსპორტის გადაადგილება თავისუფალია. გარკვეული სახის მოძრაობის რეჟიმებია დაწესებული მხოლოდ მაღალმთიან რეგიონებში. კერძოდ, ლიპყინულის, ინტენსიური თოვისა და რთული მეტეოროლოგიური პირობების გამო, მისაბმელიანი და ნახევრადმისაბმელიანი ავტოტრანსპორტის მოძრაობა შეზღუდულია:
- ახალქალაქი-კარწახისა და ახალციხე-ნინოწმინდის საავტომობილო გზაზე
- ნაქერალას უღელტეხილზე
- საჩხერე- რაჭის გზაზე
- ქუთაისი-ალპანა-მამისონის გზის ქორენიში-შოვის მონაკვეთზე
- ზუგდიდი-ჯვარი-მესტია-ლასდილის საავტომობილო გზის ჯვარი-უშგულის მონაკვეთზე
ზვავსაშიშროების, ძლიერი თოვის, ცუდი ხილვადობისა და ქარბუქის გამო, ყველა სახის ავტოტრანსპორტის მოძრაობა დროებით შეზღუდულია:
- ნიჩბისი-დიდგორი-დიდი თონეთის გზაზე
- ბათუმი-ახალციხის გზის კურორტი გოდერძი-უტყისუბნის მონაკვეთზე
- კორშა-შატილის მონაკვეთზე
- უშგული-ლასდილის მონაკვეთზე
მხოლოდ მაღალი გამავლობის ავტოტრანსპორტის მოძრაობაა დასაშვები
გომბორის უღელტეხილზე, ორბელის უღელტეხილსა და და ბათუმი-ახალციხის გზის კმ50-კმ103 მონაკვეთზე.
საავტომობილო გზების დანარჩენ მონაკვეთებზე ავტოტრანსპორტის მოძრაობა თავისუფალია,“ - აღნიშნულია ინფორმაციაში.